সফনিয় 2:1 - Chakma Bible

¹ ও লাজ্‌‌‌‌‌দর্ নেইয়্যে জাদ্, তুমি এগত্তর্ অ, এক লগে থুবো।

সফনিয় 2:1 ပူးပေါင်းရင်းမြစ်များ

২ বংশধর 20:4

যিহূদার মানুচ্চুনে লগেপ্রভুর বল্‌ চেবাত্তে এইনে এগত্তর্‌ অলাক্‌; এন্‌ কি, যিহূদার পূরো আদামত্তুন্‌অ মানুচ্চুনে এচ্ছোন্‌।

নহিমিয় 8:1

সাত্‌ মাজর্ আগেন্দি বেক্‌ মানুচ্চুনে একলগে মিলিনে পানি-গেদোর্‌ মুজুঙেন্দি চক্কর্‌বোত্‌ এগত্তর্‌ অলাক্‌। তারা ধর্ম-মাস্টর্‌ ইষ্রারে ইস্রায়েলীয়গুনোত্তে লগেপ্রভুর দিয়্যে উগুম্‌, অত্তাৎ মোশির রীদি-সুদোম বোইবো আনিবাত্তে কলাক্।

নহিমিয় 9:1

সে একই মাজর্‌ চোব্বিশ দিনোত্‌ ইস্রায়েলীয়গুনে এগত্তর্‌ ওইনে উবোস্‌ থেলাক্‌, বস্তা পাদা উরিলাক্‌ আর মাদাগুনোত্‌ ধূল্যে দিলাক্‌।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”