সখরিয় 9:8 - Chakma Bible

⁸ আক্রমনগুরিয়্যে সৈন্যদল আঢত্তুন্ মুই মঅ মানুচ্চুনোরে রোক্ষ্যে গুরিম। কনঅ অত্যেচারী আর কনদিন্‌অ মঅ মানুচ্চুনো ইধু ন-এবাক্, কিত্যেই ইক্কিনে মুই চুগি দুয়োঙর্।

সখরিয় 9:8 ပူးပေါင်းရင်းမြစ်များ

২ শমূয়েল 16:12

অলে লগেপ্রভু মর্‌ এ দুঃখান্‌ দেগিবো, আর এচ্চ্যে মুই যে অভিশাপ্পান্‌ পাঙর্‌ সিয়েনর বদলে মরে ভালেদি গুরিবো।”

২ রাজাবলী 19:34

মুই মর্‌ আর মঅ চাগর্‌ দায়ূদত্তে এ শঅরান্‌ ঘিরি রাগেইনে সিয়েন্‌ রোক্ষ্যে গুরিম্‌।’ ”

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ রাজাবলী 24:1

যিহোয়াকীমোর রাজাগিরির সময়োত্‌ বাবিলো রাজা নবূখদ্‌নিৎসর যিহূদা দেজ্‌ছান্‌ আক্রমণ গুরিলো। যিহোয়াকীমে তিন বজর সং তা অধীনোত্‌ এলঅ। মাত্তর্‌ পরেন্দি তে নবূখদ্‌নিৎসরর বিরুদ্ধে উল্লোমি গুরিলো।

গীতসংহিতা 34:7

যিগুনে লগেপ্রভুরে ভোক্তি গরন্ লগেপ্রভুর্ দূত্‌তুনে তারার্ চেরোকিত্তে তাম্বুল্ ফেলান্ আর তারারে রোক্ষ্যে গরন্।

গীতসংহিতা 72:4

তা রেজ্যর অত্যেচারগুরিয়্যে মানুচ্চুনো উগুরে তে ন্যায়বিচের গোরোক্; নাদা মানুচ্চুনোরে বাঁজা আর অত্যেচারগুরিয়্যেগুনোরে বিঝেই ফেলা।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

গম্ উপদেজ্ 3:25

আদিক্ক্যেন্‌গুরি দজা এলে তুই ন-দোরেচ্, পাজি মানুচ্চুনোর ভস্ত অনা দেগিনে ন-দোরেয়ো;

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 31:5

পেখ্‌কুনে যেধোক্ক্যেন বাহ্‌বো উগুরে উড়োন্, বেগত্তুন্ খেমতাবলা লগেপ্রভু সেধোক্ক্যেন গুরি যিরূশালেমানরে ঢাগি রাগেব। তে তারে ঢাগি রাগেব আর উদ্ধোর্ গুরিবো, আর তা উগুরেদি যেইনে তারে রোক্ষ্যে গুরিবো‍‍।”

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 46:13

বাবিল রাজা নবূখদ্‌নিৎসরে যে মিসরান আক্রমণ গুরিবাত্তে এবঅ সে হবরান লগেপ্রভু ভাববাদী যিরমিয়রে কোইয়্যে।

যিরমিয় 46:2

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ বাবিলর রাজা নবূখদ্‌নিৎসরে ইউফ্রেটিস গাঙর্ ইধু কর্কমীশত্ মিসরর রাজা ফরৌণ নখোরে যে সৈন্যদলুনোরে ওদেই দিয়্যে লগেপ্রভু তারা পৌইদ্যেনে কোইয়্যে,

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

আমোষ 9:15

মুই ইস্রায়েলীয়গুনোরে তারার্ নিজো দেজত্ গাজ ধোক্ক্যেন লাগেই দিম; যে দেজ্‌‌‌‌চান মুই তারারে দুয়োং সিয়েনত্তুন্ আর তারারে কনদিন্‌অ উগুড়েই ফেলা ন-অবঅ।” এ কধাগান তমা গোজেন লগেপ্রভু কত্তে।

সখরিয় 12:4

সেদিন্যে মুই পত্তি ঘোড়ারে দর্‌বুক্ লাগেম্ আর ঘোড়াচালেয়্যেগুনোরে পাগল বানেম। যিহূদার মানুচ্চুনো উগুরে মুই উজিয়ার গুরি নজর্ রাগেম্, মাত্তর্ অন্য জাদ্‌‌‌‌‌‌তুনোর বেক ঘোড়াগুনোরে চোগ্‌কান্ গুরি দিম।‌‌‌

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 14:11

সিয়েনত্ মানুচ্ বজত্তি গুরিবাক্; যিরূশালেমান আর কনদিন্‌অ ভস্তর্ অভিশাবর্ তলে ন-অবঅ। তে গমেডালে থেবঅ।

সখরিয় 9:7

মুই তারা মুয়োত্তুন্ লো সুদ্ধো য়েরা আর অন্য মানা গোজ্যে হানা নিগিলেম্। তারা ভিদিরে যিগুনে বাঁজি থেবাক্ তারা মঅ মানুচ্ অবাক্; তারা অবাক্ যিহূদার এক্কো বংশ ধোক্ক্যেন আর ইক্রোণান অবঅ যিবূষীয়গুনো ধোক্ক্যেন।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

ফগদাং পেইয়্যে 20:9

সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।