সখরিয় 9:15 - Chakma Bible

¹⁵ বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

সখরিয় 9:15 ပူးပေါင်းရင်းမြစ်များ

ইয়োব 41:28

কনঅ সেলে তারে ধাবেই দি ন-পারে; ফিংগার পাত্তরুন তাইদু যেন তুজো ধোক্ক্যেন।

গীতসংহিতা 78:65

সে পরেন্দি প্রভু যেন ঘুমোত্তুন্ জাগিলো; তে আংগুর-রসর মাত্তল কাদে উঠ্যে বীরো ধোক্ক্যেন গুরি জাগিলো।

যাত্রা 27:2

ডালিপূজোবো বানেবার্‌ অক্তত্‌ সিবের্‌ চের্‌ কোণার তক্তানি এমন্‌গুরি চাজি ফেলা পুরিবো যেনে চের্‌বো শিং ধোক্ক্যেন অয়। সেক্কে শিংসহ ডালিপূজোবো এক্কো গোট্টাল্‌ জিনিস অবঅ‌। পিদোল্লোই বেক্‌ ডালিপূজোবো বেড়েই দিবা।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 7:9

আর তঅ মুয়োন্ ওক্ বেগত্তুন্ গম্ আংগুর-রস। সেই আংগুর-রস্‌চান সোজাগুরি মঅ পরাণ্যের্ গত্তনাবোত্ লামি যোক্, ‌‌‌ যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি আংগুর-রস সহজে যায়।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

লেবীয় 4:18

সে পরেদি তে কিজু লো নেযেইনে মিলন-তাম্বুল ভিদিরে লগেপ্রভুর্ মুজুঙোত্ যে তুম্বাজ্‌ ধূপোর্ পূজো আঘে সিবের্ শিঙুনোত্‌ লিবি দিবো। পরেদি মিলন-তাম্বুল দোরান ইদু যে পুজ্যে-উৎসর্বর্ পূজোবো আঘে সিবের্ গোড়াত্‌ তে বাদ্‌বাগি লো-গান্‌ ঢালি দিবো।

লেবীয় 4:25

পরেদি ধর্মগুরুবো পাপ-উৎসর্বত্তে আন্যে য়েমান্নোর্‌ কিজু লো আঙুলোত্‌ গুরি লোইনে পুজ্যে-উৎসর্বর্‌ পূজোবো শিঙুনোত্‌ লিবি দিবো; বাদ্‌বাগি লো-গান্‌ তে পূজোবো গোড়াত্‌ ঢালি দিবো।

লেবীয় 4:7

ইয়েন পরেদি তে কিজু লো নেযেইনে মিলন-তাম্বুল ভিদিরে লগেপ্রভুর্ মুজুঙোত্ যে তুম্বাজ্‌ ধূপোর্ পূজোবো আঘে তার্‌ শিঙুনোত্‌ লিবি দিবো। বাগি লো-গান্‌ লোইনে তে মিলন-তাম্বুলো দোরান মুুজুঙোত্ যে পুজ্যে-উৎসর্বর্ পূজোবো আঘে সিবে গড়াত্‌ ঢালি দিবো।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

সখরিয় 10:7

ইফ্রয়িমীয়গুনে বোলী মান্‌‌‌‌জ্য ধোক্ক্যেন অবাক্, আংগুর-রস খাইদ্যে ধোক্ক্যেন তারার মনানি হুজি অবঅ। সিয়েনি দেগিনে তারার্ পুয়ো-ছাগুনে হুজি অবাক্; তারার্ মনানি মরে নিইনে ফুত্তি গুরিবাক্।

সখরিয় 12:6

সেদিন্যে যিহূদার নেতাগুনোরে মুই দার্‌‌‌‌‌‌বো কুড়ো ভিদিরে জ্বোল্‌‌‌‌‌‌‌জোল্যে আঙারা ধোক্ক্যেন আর শোজ্য বনা ভিদিরে জ্বোল্‌‌‌‌‌‌‌জোল্যে বম্বা ধোক্ক্যেন গুরিম। তারা ডেনে-বাঙে কায়কুরে বেক্ জাগায়ানি গজক্ গুরিবাক্, মাত্তর্ যিরূশালেম মানুচ্চুনে আরঅ তারার নিজো জাগানত্ বজত্তি গুরিবাক্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 14:20

সেদিন্নো “লগেপ্রভুর নাঙে পবিত্র” এ কধাগান ঘোড়া গত্তনাবোত্ ঘন্টাবো উগুরে খোদাই গোজ্যে থেবঅ আর লগেপ্রভুর ঘরর রানেদে পিলেগুন পূজোবো মুজুঙোত্ সুদ্ধো-সাংগ কদরাগুনো ধোক্ক্যেন পবিত্র অবঅ।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

সখরিয় 2:9

মুই তারার্ বিরুদ্ধে হামাক্কায় মঅ আঢ্‌‌তানি তুলিম, সেক্কে তারার্ চাগরুনে তারারে লুদেবাক্।” ইয়েন যেক্কে ঘুদিবো সেক্কে তুমি বুঝি পারিবা যে, বেগত্তুন্ খেমতাবলা লগেপ্রভুই মরে পাদেয়্যে।

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

১ শমূয়েল 17:45

সেক্কে দায়ূদে সেই পলেষ্টীয়বোরে কলঅ, “তুই মইদু এজত্তে লাম্বা কিরিচ্‌, শেল্‌ আর ছুড়িলোই, মাত্তর্‌ মুই তইদু এজঙর্‌ পুরো খেমতার অধিকারী লগেপ্রভু, ইস্রায়েলীয় সৈন্যদলুনোর গোজেনর নাঙান্দোই, যিবেরে তুই ঘিনেয়োচ্‌।