সখরিয় 9:14 - Chakma Bible

¹⁴ সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;

সখরিয় 9:14 ပူးပေါင်းရင်းမြစ်များ

ইয়োব 37:9

ঝড়ানে তা ঘরত্তুন্ নিগিলে এজে, বোইয়্যেরানে ঠান্ডা বুয়োই আনে।

গীতসংহিতা 18:14

তে সেল্ মারিনে শত্রুগুনোরে ছিদি দিলো, আর ঝিমিলেনে তারারে ছিত্রিভংগ গুরিলো।

গীতসংহিতা 18:15

ও লগেপ্রভু, তর্ ধমক্কোই আর নিযেজে মাদি তলাত্তুন্ পানি দেগা দিলো, পিত্‌থিমীর ভিদিরেদিগান নিগিলিলো।

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 21:1

ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 31:5

পেখ্‌কুনে যেধোক্ক্যেন বাহ্‌বো উগুরে উড়োন্, বেগত্তুন্ খেমতাবলা লগেপ্রভু সেধোক্ক্যেন গুরি যিরূশালেমানরে ঢাগি রাগেব। তে তারে ঢাগি রাগেব আর উদ্ধোর্ গুরিবো, আর তা উগুরেদি যেইনে তারে রোক্ষ্যে গুরিবো‍‍।”

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

হবক্‌‌‌‌কূক 3:11

তর্ উড়েদে সেল্লোর্ ঝিমিলেনিলোই আর কারেন ধোক্ক্যেন্ তর্ যাদিবোর্ ঝিমিলেনিত্ আগাজত্ বেলান্ আর চানান্ থির্ ওইনে থিয়্যেই রলঅ।

হবক্‌‌‌‌কূক 3:14

যেক্কে তা যোদ্ধাগুনে আমারে ছিদি দিবাত্তে অমকদ গুরি আক্রমন গুরিলাক্, সেক্কে তারা তারা ধোক্ক্যেন্ ফুত্তি গোজ্যন্ যিগুনে ভিদিরে ভিদিরে দুখী মানুচ্চুনোরে গিলিনে হুজি অন্। মাত্তর্ তুই তারার্ নেতাবোরে তা যাদিবো ফুদেই দিলে।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

ফগদাং পেইয়্যে 6:2

যিবে তা উগুরে বৈ এলঅ তা আঢত্ এক্কান ধনু এলঅ। তারে এক্কো মুকুট দিয়া অলঅ আর তে জিত্যেদে ধোক্ক্যেন নিগিলিনে জয় গত্তে গত্তে গেলঅ।