সখরিয় 9:12 - Chakma Bible

¹² ও আজাগুরি থেইয়্যে বন্দীগুন, তুমি তমা ঘরত্ ফিরি যঅ; এইচ্চ্যে মুই এগেম্ গরঙর্, মুই তমারে দ্বিগুণ আশিদ্‌বাদ গুরিম।

সখরিয় 9:12 ပူးပေါင်းရင်းမြစ်များ

ইয়োব 42:10

ইয়োবে তা সমাজ্যেগুনোত্তে তবনা গরানার পরেদি লগেপ্রভু আরঅ তা অবস্থাগান ফিরেল আর তারে বেক্কানি আগত্তুন দ্বিগুণ বেশ্ দিলো।

যিশাইয় 24:22

জেলখানা গাদত্ যেধোক্ক্যেন গুরি বন্দিগুনোরে একসমারে রাগা অয় সেধোক্ক্যেন গুরি তারারে একসমারে রাগা অবঅ। তারারে বানি রাগা অবঅ জেলখানাত্ আর ভালোক্ দিন পরে তারারে সাজা দিয়্যে অবঅ।

যিশাইয় 38:18

মরণ জাগায়ানে দঅ তরে বাঈনী গুরি ন-পারে, আর মরণানেয়ো তর্ নাঙ্-গিনেদে গান গেই ন-পারে। যিগুনে সে গাঢত্ লামন তারা তর্ এগেমর্ ভর্‌‌পুনঙান আজা গুরি ন-পারন্।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 49:9

তুই বন্দীগুনোরে কবে, ‘তুমি উদ্ধোর্ অ,’ আর যিগুনে আন্ধারত্ আগন তারারে কবে, ‘তুমি নিগিলি এজঅ।’ তারা পধ পারত্ আর গাজ্-বাজ্ নেইয়্যে মুড়ো উগুরে হানা পেবাক্।

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 31:17

সেনত্তে তর্ ভবিচ্চদত্তে আজা আঘে। তর্ ঝি-পুয়োগুনে নিজো দেজত্ ফিরি এবাক্। মুই লগেপ্রভু এ কধাগান কঙর্।

যিরমিয় 31:6

এমন এক্কো দিন এবঅ যেক্কে ইফ্রয়িমর মুড়োবো উগুরে চুগিদারুনে রঅ ছাড়িনে কবাক্, ‘আঢ, আমি সিয়োনত্ আমা গোজেন লগেপ্রভু ইধু যেই।’ ”

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 51:10

আমি যে লগেপ্রভুর নিজোর্ মানুচ্ তে সিয়েন দেগেই দিয়্যে, আমা গোজেন লগেপ্রভু যিয়েনি গোজ্যে এজঅ, আমি সিয়েনি সিয়োনত্ কোই।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

মীখা 4:8

ও ভেড়া গরগর্ চুগিদার-ঘরান, ও সিয়োন-ঝিবোর্ ঘরান, আগ রেজ্যগান তইধু ফিরেই দিয়্যে অবঅ; রাজা আরঅ যিরূশালেমত্ রাজাগিরি গুরিবো।”

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।