সখরিয় 8:6 - Chakma Bible

⁶ ইয়েনি যে ঘুদিবো সিয়েনি এ জাদর্ বাঁজি থেইয়্যে মানুচ্চুনো ইধু অসম্ভব বিলি মনে ওই পারে, মাত্তর্ মইদু সিয়েনি অসম্ভব নয়। মুই বেগত্তুন্ খেমতাবলা লগেপ্রভু এ কধাগান কঙর্।

সখরিয় 8:6 ပူးပေါင်းရင်းမြစ်များ

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

গীতসংহিতা 118:23

লগেপ্রভু ইয়েন গুরিলো, আর সিয়েন আমা চোগেন্দি অমকদ আমক্ অইদ্যে ধোক্ক্যেন্ লাগিলো।

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 32:27

মুই লগেপ্রভু, বেক মানুচ্চুনোর গোজেন। কনঅ কিজু গরানা কি মঅ তপ্পে অাগাত্যে?

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

লূকে লেখ্যে গম্ হবর্ 1:20

চাহ্, মঅ কধাগান সময়মজিম্ পূরোণ অবঅ, মাত্তর্ তুই মঅ কধাগান বিশ্বেজ্ ন-গরচ্ বিলি ববা ওই থেবে। যেদক বিলোন্ সং ইয়েনি বেক্কানি ন-ঘদে সেদক্ বিলোন্ সং তুই কধা কোই ন-পারিবে।”

লূকে লেখ্যে গম্ হবর্ 1:37

গোজেন ইধু অসম্ভব বিলি কনঅ কিজু নেই।”

লূকে লেখ্যে গম্ হবর্ 18:27

যীশু কলঅ, “যিয়েন মান্‌জ্যর্ পক্ষে অসম্ভব গোজেনর্ পক্ষে সিয়েন সম্ভব।”