সখরিয় 8:21 - Chakma Bible

²¹ এক শঅরর্ আদাম্মেগুনে অন্য শঅরত্ যেইনে কবাক্, ‘বেগত্তুন্ খেমতাবলা লগেপ্রভুর আশীদ্‌বাদ চেবাত্তে আর উবোসনা গুরিবাত্তে আঢঅ, আমি ইক্কিনে যেই।’ সেক্কেনে ভালোক্ জনে কবাক্, ‘মুইয়ো যেইম্।’

সখরিয় 8:21 ပူးပေါင်းရင်းမြစ်များ

২ বংশধর 11:16

ইস্রায়েলর পুরো গুট্টিগুনো ভিদিরে যিগুনে ইস্রায়েলর গোজেন লগেপ্রভুর আওজ্‌চান্ জানিবাত্তে আওজি ওইয়োন্‌ তারা তারার্‌ পূরোণি মানুচ্চুনোর্‌ গোজেন লগেপ্রভুর নাঙে উৎসর্ব গুরিবাত্তে লেবীয়গুনোর লগে যিরূশালেমত্‌ এলাক্‌।

গীতসংহিতা 103:22

ও লগেপ্রভুর রেজ্যগানির বেক জাগায়ানিত্ তার বানেয়্যে বেক্কানি, তুমি তার বাঈনী গরঅ; ও মর্ পরাণান, লগেপ্রভুর বাঈনী গর্।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিরমিয় 31:6

এমন এক্কো দিন এবঅ যেক্কে ইফ্রয়িমর মুড়োবো উগুরে চুগিদারুনে রঅ ছাড়িনে কবাক্, ‘আঢ, আমি সিয়োনত্ আমা গোজেন লগেপ্রভু ইধু যেই।’ ”

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

সখরিয় 7:2

সে অক্তত্ লগেপ্রভুর আশিদ্‌বাদ চেবাত্তে বৈথেলর মানুচ্চুনে শরেৎসররে, রেগম্মেলকরে আর তারা মানুচ্চুনোরে পাধেই দিলো।

সখরিয় 8:22

মর্ উবোসনা গুরিবাত্তে আর মর্ আশীদ্‌‌‌‌বাদ চেবাত্তে বোউত্ মান্‌‌‌‌জ্যে আর খেমতাবলা জাদত্তুন্ যিরূশালেমত্ এবাক্।

যোহন 1:37

যোহনরে এ কধাগান্ কধে শুনিনে সে দ্বিজন্ শিচ্চ্য যীশুর্ পিজে পিজে যাহ্ ধুরিলাক্।