সখরিয় 8:20 - Chakma Bible

²⁰ “এমন সময় এবঅ যেক্কে বোউত্ জাদে আর বোউত্ শঅর আদাম্মেগুনে যিরূশালেমত্ এবাক্;

সখরিয় 8:20 ပူးပေါင်းရင်းမြစ်များ

১ রাজাবলী 8:41

ইয়েন বাদেয়ো তঅ মানুচ্‌ ইস্রায়েলীয় নয় এধোক্ক্যেন কনঅ বিদেশী তর্‌ দাঙর্ নাঙান, তর্‌ খেমতাগান আর বাড়েই দিয়্যে আদঅ কধা শুনিনে তরে তবনা গুরিবাত্তে যেক্কে দূর দেজত্তুন্‌ এইনে এ তবনা-ঘরন্দি ফিরিনে তবনা গুরিবাক্,

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 89:9

ফুলি উঠ্যে সাগরর তুবোলানে তর্ শাজনত্ থায়; তার তুবোলান্ উদিলে তারে তুয়ই বুঝোচ্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

আমোষ 9:12

যেনে ইস্রায়েলীয়গুনে ইদোমর্ বাদবাগী ভাগ্‌‌‌কান আর মর্ অন্য বেক জাদ্‌‌‌তুনোর্ দেজ্‌‌‌চানি গজক্ গুরি পারন।‌‌‌‌‌‌‌‌‌‌‌” লগেপ্রভু, যিবে এই বেক্ কামানি গরে, তে এ কধানি কোইয়্যেদে।

মীখা 4:3

তে জাদ্‌তুুনো ভিদিরে বিচের্ গুরি দিবো আর দূরোর্ খেমতাবলা মানুচ্চুনো ভিদিরে মিলেমিলি গুরিবো। তারা তারার্ তলোয়ারানি ভাঙিনে নাঙল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

প্রেরিত্‌ 15:14

গোজেনে তার্ নিজোর্ মানুচ্‌ অবাত্যে অযিহূদীগুনোত্তুন্ কয়েক্কো মান্‌জ্যরে বেঈ লোইনে দেগেয়্যেদে যে, অযিহূদীগুনোত্যেয়ো তার্ চিন্তে আঘে। এ কধাগান শিমোন-পিতরে আমারে কোইয়্যে।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।