সখরিয় 8:19 - Chakma Bible

¹⁹ চের্, পাচ্, সাত্ আর দশ মাজর্ উবোস্ থানা যিহূদাত্তে ফুত্তি গরানার্, হুজির্ আর ভালেদির পরব্ ওই উদিবো। সেনত্তে তুমি সত্য আর শান্তিগানরে কোচ্‌পেবা‌‌।

সখরিয় 8:19 ပူးပေါင်းရင်းမြစ်များ

২ রাজাবলী 25:1

সিদিকিয়োর রাজাগিরির্‌ নয় বজর দশ মাজর্‌ দশ দিনোত্‌ বাবিলোর রাজা নবূখদ্‌নিৎসরে তার্‌ বেক্‌ সৈন্যদলুন্‌ লোইনে যিরূশালেমর বিরুদ্ধে যুদ্ধো আরাম্ভ গুরিলো। তে শঅর বারেন্দি তাম্বুল ফেলেল আর শঅর চেরোকিত্তে চুগি থেবার্‌ ঘর্‌ বানেল।

২ রাজাবলী 25:25

মাত্তর্‌ সাত মাজত্‌ ইলীশামার নাদিন, অত্তাৎ নথনিয়োর পুয়ো ইশ্মায়েলে দশজন মান্‌জ্যরে লগে গুরি নেযেইনে গদলিয়রে আর যিহূদার যিদুক্কুন্‌ মানুচ্‌ আর বাবিলীয়গুন মিস্পাত তা সমারে এলাক্‌ তারারে বেক্কুনোরে মারে ফেলেল। এ ইশ্মায়েলে অলদে রাজবংশর মানুচ্‌।

ইষ্টের 8:17

পত্তি চাগালাত্‌ আর শঅরত্‌ যিয়েনত্‌ যিয়েনত্‌ রাজার উগুম গেলঅ সিদুগোর্ যিহূদীগুনো ভিদিরে হুজির্-ফূত্তির্‌ পরব্‌ পালা অলঅ। অন্য জাদত্তুন্‌ ভালোকজনে যিহূদী ওই গেলাক্‌, কিত্যে তারা যিহূদীগুনোরে দোরেয়োন্‌।

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিরমিয় 36:6

সেনত্তে তুই এক্কো উবোবাসর্ দিনোত্ লগেপ্রভুর ঘরত্ যেইনে এ বোইবোত্ লেখ্যে লগেপ্রভুর কধানি মানুচ্চুনোরে পড়ি শুনা যিয়েনি তুই মঅ মুয়োত্তুন্ শুনিনে লেখ্যচ্। যিহূদার যে মানুচ্চুনে তারার শঅরানিত্তুন্ এবাক্ তারা বেক্কুনো মুজুঙোত্ সিয়েনি পড়িবো।

যিরমিয় 39:2

সিদিকিয় রাজাগিরির এগার বজরর্ চের্ মাজর্ নঅ দিনোত্ শঅরর্ দেবাল এক্কান জাগা ভাঙি ফেলা অলঅ।

যিরমিয় 52:4

সেনত্তে তার রাজাগিরির্ নয় বজরর্ দশ মাজত্ দশ দিনোত্ বাবিল রাজা নবূখদ্‌নিৎসরে তার বেক্ সৈন্যগুন নিইনে যিরূশালেম বিরুদ্ধে যুদ্ধোযাত্রা গুরিলো। তারা শঅরর্ বারেদি তাম্বুল্ ফেলেলাক্ আর শঅরর্ চেরোকিত্তে দেবাল্ বানেলাক্।

যিহিষ্কেল 18:8

তে সুদি টেঙা উদোর্ ন-দে বা বেশ্ সুদ ন-নেযায়। তে অন্যেয় গরানাত্তুন্ আঢ্‌তানি সোরেই রাগায় আর মানুচ্চুনো ইধু গমেডালে বিচের্ গরে।

যিহিষ্কেল 24:1

আমা বন্দীদজার্ নয় বজরর্ দশ মাজর্ দশ দিনোত্ লগেপ্রভুর এ কধাগান মইধু ফগদাং অলঅ,

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

সখরিয় 7:5

“তুই দেজর্ বেক মানুচ্চুনোরে আর ধর্মগুরুগুনোরে কঅ, ‘তুমি গত সত্তুর্ বজর সং পাচ্ আর সাত মাসত্ যে আবিলেচ্ গরর্ আর উবোস্ থর্ সিয়েনি লগেপ্রভুর নাঙে ন-গরঅ।

সখরিয় 8:16

এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;

সখরিয় 8:18

বেগত্তুন্ খেমতাবলা লগেপ্রভু আরঅ মরে কলঅ,

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।