সখরিয় 8:12 - Chakma Bible

¹² ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

সখরিয় 8:12 ပူးပေါင်းရင်းမြစ်များ

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 27:28

গোজেনে যেন তরে আগাজ শিরোপানি দে, আর তঅ ভুইয়ানিত্‌ বোল্‌বোল্যে ওক্‌; সেক্কে তুই বোউত্‌ ফসল আর্‌ নুয়ো আংগুর-রস পেবে।

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

গীতসংহিতা 72:3

তার ন্যায় কামর মাধ্যমে মানুচ্চুনোত্যে মুড়ো-মুড়িয়্যে ভরা দেজ্‌‌চান্ ভালেদি ওইনে ভুরি উদোক্।

গীতসংহিতা 85:12

যিয়েন গম লগেপ্রভু ঘেচ্চেক্‌গুরি সিয়েন দিবো, আর আমা দেজ্‌ছানে খেত-খেত্তি দিবো।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিহিষ্কেল 34:28

তারা আর জাদ্‌‌‌‌তুনোর্ লুদেয়্যে জিনিসপাদি ন-অবাক্ বা ঝার য়েমানুনেয়ো তারারে ন-হেবাক্। তারা গমেডালে বজত্তি গুরিবাক্ আর কনজনে তারারে দর্‌‌‌‌বুক ন-লাগেবাক্।

যিহিষ্কেল 36:12

মুই তমা উগুরেদি মানুচ্চুনোরে, অত্তাৎ মর্ মানুচ্ ইস্রায়েলীয়গুনোরে আদা-উদো গোরেম্। তারা তমারে অধিকার গুরিবাক্ আর তুমি তারার্ অধিকারর্ জাগা অবা; তুমি আর কনদিন্‌অ তারারে পুয়োছা নেইয়্যে ন-গুরিবা।

যিহিষ্কেল 36:30

মুই গাজ গুলোগুলিগুন আর খেদর্ ফসলানি বাড়েই দিম যেনে ভাদরাদর্ কারনে তুমি জাদ ভিদিরে আর অসর্মান ন-অ।

যিহিষ্কেল 36:9

মুই তমা তপ্পে আগং আর তমা ইন্দি মনযোগ দিম্; সেক্কে তমা উগুরে চাষ গরানা আর বীজি ফেলা অবঅ।

হোশেয় 13:3

সেনত্তে তারা অবাক্ বেন্যেমাদান কুয়ো ধোক্ক্যেন, অবাক্ অদাদৎ উরি যেইয়্যে বেন্যেমাদান শিরো পানি ধোক্ক্যেন, অবাক্ খামারত্তুন্ বোইয়্যেরে উড়ি যেইয়্যে তুজো ধোক্ক্যেন্, অবাক্ জানালাদি নিগিলি যেইয়্যে ধূমো ধোক্ক্যেন্।

হোশেয় 14:5

মুই ইস্রায়েল ইধু শিরো পানি ধোক্ক্যেন ওম্; তে লিলি ফুলো ধোক্ক্যেন ফুদিবো। লেবানন এরস গাজ ধোক্ক্যেন তে তার্ শিঙোরানি তলেদি লামেই দিবো।

যোয়েল 2:19

লগেপ্রভু তারার্ কধানির জোব্ দিইনে কবঅ, মুই তমা ইধু শোজ্য, নূয়ো আংগুর-রস আর তেল পাদাঙর্, সেক্কে তুমি ভর্‌‌‌‌পুনোং গুরিনে হুজি অবা; অন্য জাদ ইধু আর কনদিন্‌অ মুই তমারে ঈচ্ গরেপারা ন-গুরিম।

যোয়েল 2:22

ও মাদর্ য়েমানুন, তুমি ন-দোরেয়ো, কিত্যে চরি বেড়েবার মাদ্‌‌‌‌‌তুন য়্যাল্ ওই উঠ্যে। গাজে গাজে ফল ধোজ্যন্; ডোমোর্ গাজ আর আংগুর লুদিগানিয়ে বোউত্ ফল দের্।

লেবীয় 26:3

যুনি তুমি মর্‌ বেক্‌ সুদোমানি মান আর মর্‌ উগুমানি পালেইনে চলঅ সালে ঠিগ্ সময়োত্‌ মুই ঝড়র্‌ বেবস্থা গুরিম। সেক্কে তমার ভূইয়ানিত্‌ বেক্‌ ফসলানি অবঅ আর গাজ-বাজর্‌অ ফল জোর্মেবাক।

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

হগয় 1:10

সেনত্তেই তমাত্তে আগাশ্‌‌‌চানে তার শিরো পানি পড়ানা আর ভূইয়ো খেত-খেত্তিগানি দেনা বন্ধ গুরি দিয়্যে।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

হগয় 2:19

ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

সখরিয় 8:6

ইয়েনি যে ঘুদিবো সিয়েনি এ জাদর্ বাঁজি থেইয়্যে মানুচ্চুনো ইধু অসম্ভব বিলি মনে ওই পারে, মাত্তর্ মইদু সিয়েনি অসম্ভব নয়। মুই বেগত্তুন্ খেমতাবলা লগেপ্রভু এ কধাগান কঙর্।

মালাখি 3:11

মুই গজক্ গুরিয়্যে পুগ্‌-যুগরে মানা গুরিম যেনে তারা তমা খেত্-খেত্তিগানি হেই ন-ফেলান; ইয়েন বাদেয়ো তমা খেদত্ আংগুর লুদির্ ফলুন্ ঝুরি ন-পুড়িবাক্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

১ করিন্হীয় 3:21

সেনত্তে তুমি কেঅ কনঅ মান্‌জ্যরে নিইনে বার্‌বো ন-গোজ্জ্য, কিয়া বেক্কানি দঅ তমার।

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।

দ্বি’লম্বর বিররণ 33:13

যোষেফ পৌইদ্যেনে তে কোইয়্যেদে, “লগেপ্রভু তার দেজ্‌চানরে যেনে আশিদ্‌বাদ গরে আগাজর মূল্যবান শির পানিলোই, মাদিগান তলেন্দি পানিলোই,

দ্বি’লম্বর বিররণ 33:28

ইস্রায়েলে সিয়েনত্যেই গমেডালে থেবঅ। যাকোবর থান্‌জাঙান্‌ থেবঅ দজাগানর্-দুযির্‌ বারেন্দি; সিয়েনত্‌ থেবঅ ভালোক্কুন্‌ শোজ্য আর নুয়ো আংগুরো-রস, তা উগুরে আগাজর শিরোপানি ঝুরি পুরিবো।

যাকোব 3:18

যিগুনে শান্তির্ চেষ্টা গরন্ তারা শান্তিয়ে বীজি ফেলান আর সিয়েনর্ ফল অলঅ সৎ জিংকানি।