সখরিয় 7:7 - Chakma Bible

⁷ যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”

সখরিয় 7:7 ပူးပေါင်းရင်းမြစ်များ

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিরমিয় 13:19

নেগেভর শঅরানির চোমেবার পথ্‌তানি নাঢি দিয়্যে অবঅ আর কনজনে সিয়েনত্ চোমেই ন-পারিবো। যিহূদার বেক্ মানুচ্চুনোরে বন্দী গুরি নেযা অবঅ, এক্কুবারে বেক্কুনোরে নেযা অবঅ।‌‍‍‍। ”

যিরমিয় 17:26

যিহূদার শঅরানি আর যিরূশালেমর কায়-কুরে আদামানিত্তুন বিন্যামীন চাগালা আর অজল্ নিজো মুড়োমুড়ি চাগালাত্তুন আর নেগেভত্তুন মানুচ্চুনে এবাক্ আর লগেপ্রভুর ঘরত্ পুজ্যে-উৎসর্ব, এ্যামান- উৎসর্ব, শোস্য-উৎসর্ব, আগর্‌বাট্টি আর ভালেদি উৎসর্বর জিনিস আনিবাক্।

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 32:44

বিন্যামীন চাগালাত্, যিরূশালেমর চেরোকিত্তে চাগালাত্, যিহূদার আর নেগেভর বেক্ আদামানি আর শঅরানি আর উজু-নিযো মুড়োমুড়ি চাগালার্ বেক আদামানিত্ অর শঅরানিত্ টেঙা দিইনে খেত্ কিনে অবঅ আর দলিলোত্ সই আর সীলমহ্‌‌‌র দিয়্যে অবঅ আর সাক্ষি রাগা অবঅ, কিত্তে মুই তারার অবস্থাগান ফিরেম। মুই লগেপ্রভু এ কধাগান কঙর্।”

যিরমিয় 33:13

অজল্ আর নিজো মুড়োমুড়ি চাগালার বেক্ আদাম আর শঅরত্, বিন্যামীন চাগালাত, যিরূশালেমর চেরোকিত্তে চাগালাত্ আর যিহূদার আর নেগেভর বেক্ আদামানি আর শঅরত্ যিগুনে ভেড়াগুনোর সংখ্যেগুন গুণোন তারার আঢ তলেদি আরঅ ভেড়া পালুন যানা-এযানা গুরিবাক্। মুই লগেপ্রভু এ কধাগান কঙর্।”

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

যিরমিয় 7:5

যুনি ঘেচ্চেকগুরি তুমি তমার আচার-বেবহার আর কামানি বদল আর গমেডালে একজন আরেকজন সমারে বেবহার গরঅ,

সখরিয় 7:12

তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

সখরিয় 7:6

আর যেক্কেনে তুমি হানা-দানা গোজ্য সেক্কে সিয়েন নিজোত্তে গোজ্য।

সখরিয় 7:8

লগেপ্রভু আরঅ মরে কলঅ, মুই বেগত্তুন্ খেমতাবলা লগেপ্রভু তারারে ইয়েন্‌অ কোইয়োং, তুমি গমেডালে বিচের্ গরঅ; একজন আর একজন ইধু বিশ্বেজি অ আর মেয়্যে-দোয়্যে বেবহার গরঅ।

দ্বি’লম্বর বিররণ 34:3

ইয়েনবাদে তে তারে নেগেভ আর খেজুর-শঅর যিরীহো আর তার কায়-কুরে যর্দন গাঙর দোগিনোন্দি সং জাগাত্তুন সোয়ব সং বেক চাগালাগান্ দেগেল।