সখরিয় 7:6 - Chakma Bible

⁶ আর যেক্কেনে তুমি হানা-দানা গোজ্য সেক্কে সিয়েন নিজোত্তে গোজ্য।

সখরিয় 7:6 ပူးပေါင်းရင်းမြစ်များ

১ বংশধর 29:22

সেদিন্যে তারা লগেপ্রভু মুজুঙোত্ অমকদ রংগ-ফুত্তি গুরিনে হানা-দানা গুরিলাক্‌। তারা দায়ূদো পুয়ো শলোমনরে এ দ্বিবার্‌ রাজা বিলিনে স্বীগের্‌ গুরিলাক্‌ আর তারে রাজা আর সাদোকরে ধর্মগুরু ইজেবে লগেপ্রভুর নাঙে অভিষেগ্ গুরিলাক্‌।

যিশাইয় 43:23

পুজ্যে উৎসর্বত্তে তুই মইদু ভেড়া ন-আনচ্ আর তর্ কনঅ উৎসর্বলোই মরে সর্মান ন-দেগাজ্। মুই তঅ উগুরে শোজ্য-উৎসর্বর্ ভারান্ ন-দুয়োং; লোবান দিবাত্তে তরে বল্‌‌‌‍পোজ্যে ন-গরং।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:4

তারা লগেপ্রভুর নাঙে আংগুর-রসচোই পানীয়-উৎসর্ব ন-গুরিবাক্ আর তারার্ য়েমান-উৎসর্বগানিয়ো তারে হুজি ন-গুরিবাক্। সেবাবোত্যে উৎসর্ব তারা ইধু আবিলেচ্‌গুরিয়্যেগুনো হানা ধোক্ক্যেন অবঅ; যিগুনে সিয়েন হেবাক্ তারা বেক্কুনে অসিজি অবাক্। সে হানাগান তারার্ নিজোর পেট্‌পরা মারেবাত্তে অবঅ, সিয়েন লগেপ্রভুর ঘরত্ ন-এবঅ।

সখরিয় 7:5

“তুই দেজর্ বেক মানুচ্চুনোরে আর ধর্মগুরুগুনোরে কঅ, ‘তুমি গত সত্তুর্ বজর সং পাচ্ আর সাত মাসত্ যে আবিলেচ্ গরর্ আর উবোস্ থর্ সিয়েনি লগেপ্রভুর নাঙে ন-গরঅ।

সখরিয় 7:7

যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 14:26

সে টেঙাগুন্দোই তুমি তমার আওজ্ মজিম জিনিস কিনিবা, যেন গোরু-ছাগল-ভেড়া, আংগুরো-রস, অন্য বাবোত্যে মদ বা তমার আওজ্ মজিম আর কিজু। সে পরেন্দি তুমি তমার পরিবারুন লোইনে তমার গোজেন লগেপ্রভুর মুজুঙোত্‌ হানা-দানা গুরিনে ফুত্তি গুরিবা।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”