6 সে পরেদি লগেপ্রভুর দূত্তো যিহোশূয়রে কলঅ,
তারার বেক্ দুঘ্খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।
তমা পুরোণি মানুচ্চুনোরে যেক্কে মুই মিসরত্তুন নিগিলেই আন্যং সেক্কেত্তুন ধুরি এচ্চ্যে সং বার্ বার্ তারার উজিয়ার গুরি দিইনে কোইয়োং, ‘তুমি মঅ কধা মজিম আঢঅ।’
তে স্বর্গদূত্তুনো লগে যুদ্ধো গুরিনে জিত্যে; তে দোয়্যে পেবাত্তে কানি কানি কোজোলি গোজ্যে। তে বৈতেলত্ লগেপ্রভুরে পেইয়্যে আর সিয়েনত্ লগেপ্রভু আমা কধা কোইয়্যে।
পরেদি সেই স্বর্গদূত্তো মরে দেগেল দাঙর্ ধর্মগুরু যিহোশূয় লগেপ্রভুর দূত্তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।
সেক্কে মুই কলুং, “তা মাঢাবোত্ এক্কান সাব্গোজ্যে খবং দিয়্যে ওক্।” সেনত্তে সেই দূত্তুনে তা মাঢাবোত্ এক্কান সাব্গোজ্য খবং দিলো আর তারে কাবড় উরেল। সেক্কেয়ো লগেপ্রভুর দূত্তো তারা কায়কুরে থিয়্যেই এলঅ।
“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।
