সখরিয় 2:8 - Chakma Bible

⁸ বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

সখরিয় 2:8 ပူးပေါင်းရင်းမြစ်များ

পত্থম 20:6

গোজেনে স্ববনত্ তারে কলঅ, “অয়, মুই হবর্ পাং তুই সরল মনে এ কামান গোজ্যস্। মুই তরে সেনত্তে তা কিয়্যেনত্‌ বাঁজিবাত্তে ন-দুয়োং আর মঅ বিরুদ্ধে পাপ কামত্তুন্‌ তরে দোঙেই রাগেয়োং।

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

গীতসংহিতা 17:8

চোগো মানেগ ধোক্ক্যেন গুরি তুই মরে রোক্ষ্যে গর্; যিগুনে মঅ উগুরে অত্যেচার্ গরন্ সে পাজিগুনোত্তুন্, যিগুনে মারে ফেলেবাত্তে মরে ঘিরি আগন্ সে শত্রুগুনোত্তুন্, তুই মরে তর্ ডুয়োগানি ছাবালোই রাগা।

গম্ উপদেজ্ 7:2

মঅ উগুমানি পালা, সেক্কে তুই বাঁজিবে। মর্ দিয়্যে শিক্ষ্যেনি তঅ চোগোর্ মানেক্কুন্ ধোক্ক্যেন গুরি চুগি দি রাগা;

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিহিষ্কেল 25:12

পরেদি প্রভু লগেপ্রভু কোইয়্যেদে, “ইদোম যিহূদার মানুচ্চুনো উগুরে বার্‌বার হেনা সুজিনে অমকদ অন্যেয় গোজ্যে।

যিহিষ্কেল 25:15

পরেদি প্রভু লগেপ্রভু কলঅ, “পলেষ্টীয়গুনে ইংসের মনভাব্‌পোই যিহূদা উগুরে হেনা সুজ্‌‌‌‌‌‌‌চ্যন্; তারা পুরোনা শত্রুতার মনভাবপোই যিহূদারে ভস্ত গুরিবাত্তে চেইয়োন।

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 35:5

তুই ভালোক্ দিন ধুরিনে ইস্রায়েলর শত্রু ওই আগচ্ আর তারার্ দযার্ দিনোত্ যেক্কে তারারে সাজা পুরোপুরিভাবে দিয়্যে ওইয়্যে সেক্কে তুই লাম্বা ছুরি আঢত্ তারারে তুলি দুয়োচ্।

যিহিষ্কেল 36:11

মুই তমা উগুরে মানুচ্ আর য়েমান বাড়েই দিম আর তারা ফলবান আহ্ জনেদি বোউত্ অবাক্। মুই তমা উগুরে আগ ধোক্ক্যেন মানুচ্ বজত্তি গোরেম্ আর আগত্তুন্‌অ বেশ্ তমারে বেশ্ ভালেদি দান গুরিম। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 38:11

তুই কবে, তুই এমন এক্কান দেজ্ আক্রমন গুরিবে যে আদামানিত্ দেবাল্ নেই। তুই সুগে-শান্দিয়্যে আর নিচিদে থেইয়্যে মানুচ্চুনোরে আক্রমন গুরিবে যিগুনে দেবাল্, গেইত আর লাগাড়া নেইয়্যে গুরি বজত্তি গরন্।

যিহিষ্কেল 38:14

সেনত্তে, ও মান্‌জ্যর পুয়োবো, তুই গোগরে এই আগাম্ কধানি কঅ, প্রভু লগেপ্রভু কোইয়্যেদে, সেদিন্যে যেক্কে মঅ মানুচ্চুনে ইস্রায়েলত্ গমেডালে বজত্তি গুরিবাক্ সেক্কে তুই কি সিয়েন খিয়েল্ ন-গুরিবে?

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

আমোষ 1:13

লগেপ্রভু কত্তে, “অম্মোনর তিনেন্ পাপ, এমন কি, চেরান পাপর্ কারনে মুই হামাক্কায় তারে সাজা দিম, কিত্যে তা দুজিগান বাড়েবাত্তে তে গিলিয়দর্ পিদিলী মিলেগুনোর্ পেট্‌‌‌তুন ফাদি দিয়্যে।

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

মীখা 4:11

মাত্তর্ ইক্কিনে বোউত্ জাদে তঅ বিরুদ্ধে তুবেয়োন। তারা কদন্, “তারে অসিজি গরা ওক্; এজঅ, আমি সিয়োনর দুদ্দশা দেগিনে হুজি ওই।”

মীখা 5:6

তারা যুদ্ধোর্ মাধ্যমে আসিরিয়া দেজ্‌‌‌চান অত্তাৎ, নিম্রোগুনোর দেজ্‌‌‌চান শাজন্‌ গুরিবাক। আসিরিয়গুনে আমা দেজ্‌‌‌চান আক্রমন গুরিলে আর আমা দুযিগান টেঙোই মাড়িলে তারা আঢত্তুন্ আমা শাজন্‌ গুরিয়্যেবো আমারে উদ্ধোর্ গুরিবো।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

হবক্‌‌‌‌কূক 2:17

লেবানন উগুরে তুই যে অত্যেচার গোজ্যস্ সেই অত্যেচারান্ পুরোপুরি গুরিনে তঅ উগুরে এবঅ আর সিদুগোর্ য়েমানুনোরে মারে ফেলেয়োচ্ বিলিনে ইক্কিনে য়েমানুনে তরে দর্ লাগেবাক্। তুই দঅ মান্‌‌‌‌‌জ্যর্ লো ঝোরেয়োচ্ আর দেজ্, শঅর্ আর সিদুগোর্ বেক মানুচ্চুনোরে অত্যেচার গোজ্যস্।

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

সফনিয় 2:8

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই মোয়াবর্ অগমান গরানার কধা আর অম্মোনীয়গুনোর ঠাট্টা-মশ্‌‌কারী গরানার কধানি শুন্যং; তারা মঅ মানুচ্চুনোরে অগমান গোজ্যন্ আর তারার্ দেজ্‌‌চান গজক্ গুরিবাক্ বিলি বাড়্‌বো গোজ্যন। মঅ জিংকানির নাঙে কঙর্, মোয়াব্‌পান্ হামাক্কায় সদোম ধোক্ক্যেন আর অম্মোনীয়গুনোর দেজ্‌‌চান ঘমোরা ধোক্ক্যেন অবঅ-সিয়েন হের্‌পদনার্ জাগা, নুনো খেত্ আর উমরর্ উগুজ্যে ভূই ওই থেবঅ। মঅ জাদর্ বাঁজি থেইয়্যে মানুচ্চুনে তারারে লুদেবাক্ আর তারা দেজ্‌‌চানি গজক্ গুরিবাক্ ।”

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

সখরিয় 2:9

মুই তারার্ বিরুদ্ধে হামাক্কায় মঅ আঢ্‌‌তানি তুলিম, সেক্কে তারার্ চাগরুনে তারারে লুদেবাক্।” ইয়েন যেক্কে ঘুদিবো সেক্কে তুমি বুঝি পারিবা যে, বেগত্তুন্ খেমতাবলা লগেপ্রভুই মরে পাদেয়্যে।

সখরিয় 8:5

শঅরর্ নানান্ বাবোত্যে খুলো জাগাত্ বোউত্ ঝি-পুয়ো খেলা গুরিবাক্।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মথি লেখ্যে গম্ হবর্ 25:45

“জোবত্ তে তারারে কবঅ, ‘মুই তমারে ঘেচ্চেকগুরি কঙর্, তুমি যেক্কে এই সামান্য মানুচ্চুনো ভিদিরে কনঅ একজনত্তে সিয়েন্ ন-গরঅ সেক্কে সিয়েন্ মত্তেয়ো ন-গরঅ।’ ”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।

যোহন 17:18

তুই যেবাবোত্যেগুরি মরে জগদত্ পাধেয়োচ্ সেবাবোত্যেগুরি মুইয়ো তারারে জগদত্ পাধেয়োং।

প্রেরিত্‌ 9:4

তে মাদিত্ পড়ি গেলঅ আর শুনিলো কন্না যেন তারে কত্তে, “শৌল, শৌল, কিত্ত্যে তুই মঅ উগুরে অত্যেচার্ গরর্?”

দ্বি’লম্বর বিররণ 32:10

তে তারে এক ধূল্যেচর-চাগালাত্‌ পেলঅ, পেলঅ গুজুরোনিলোই ভরা এক মানুচ্‌ নেইয়্যে জাগাত্‌। তে তারে ঘিরি রাগেল, যত্তন্‌ গুরিলো; তারে চোগো মানেগ ধোক্ক্যেন গুরি চুগি দিইনে রাগেল,

২ থিষলনীকীয় 1:6

গোজেনর্ ন্যায়বিচেরান ইয়েন-যিগুনে তমারে দুঘ্ দুয়োন তে তারারে দুঘ্ দিবো;

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।