সখরিয় 2:1 - Chakma Bible

^1-2 সে পরেদি মুই রিনি চেইনে মাবেদে দুড়িগান আঢত্ এক্কো মান্‌‌‌‌‌জ্যরে দেগিলুং। মুই পুযোর্ গুরিলুং, “তুই কুদু যর্?” জোবত্ তে মরে কলঅ, “যিরূশালেমান কত্তমান পাদাজ্জ্যে আর কত্তমান লাম্বা সিয়েন মাবি চেবাত্তে যাঙর্।”

সখরিয় 2:1 ပူးပေါင်းရင်းမြစ်များ

যিশাইয় 54:16

“চাহ্, যে কামার্‌বো আঙারা আঙুনোত্ বোইয়্যের্ দে আর কাম্ গুরিবার যগাজ্যে আত্যের্ বানায় সেই কামার্‌বোরে মুয়ই বানেয়োং। ভস্ত গুরি দিবাত্তে মুয়ই ভস্ত গুরিয়্যেবোরে বানেয়োং।‍‌‌‍‍‌‌‍

যিরমিয় 31:39

মাবেদে দুড়িগান সিয়েনত্তুন্ সোজা গারেব মুড়োবো সং টানা অবঅ আর সে পরেদি ঘুরিনে গোয়াত যেবঅ।

যিরমিয় 48:25

মোয়াবর খেমতার্ শিঙুন্ কাবি ফেলা ওইয়্যে; তা আঢ্‌‌তানি ভাঙি ফেলা ওইয়্যে।

যিহিষ্কেল 40:3

তে মরে সিয়েনত্ নেযেল আর মুই এক্কো মান্‌জ্যরে দেগিলুং যিবের্ কিয়্যেগান পিদোল ধোক্ক্যেন ঝক্‌মক্ গরের্। আঢত্ মসীনার দড়ি আর মাবেদে কাদিবো নিইনে তে গেদোত্ থিয়্যেই এলঅ।

যিহিষ্কেল 40:5

মুই দেগিলুং এক্কান দেবালদি উবোসনা-ঘরর্ চেরোকিত্তে ঘিজ্যে আঘে। মানুচ্চোর্ আঢ মাবেদে কাদিবো লাম্বাদি ছয় আত্; পত্তি আত্ এক আত্ চের্ আঙুল্ গুরি লাম্বা। তে দেবালান মাবিলো; সিগুন এক্কো মাবেদে কাদি দাঙর্ আর এক্কো মাবেদে কাদি অজল্।

যিহিষ্কেল 47:3

মাবেদে দুড়ি আদত্ লোইনে তে মাবদে মাবদে এক আজার্ আত্ পূগেদি গেলঅ। সিয়েনত্ তে মরে টেঙ মুড়ি-ডুবেদে পানি ভিদিরেদি নেযেল।

যিহিষ্কেল 47:4

সে পরেদি তে আর এক আজার্ আত্ মাবিনে মরে আদু সং পানি ভিদিরেদি নেযেল। সে পরেদি তে আর এক আজার্ আত্ মাবিনে কমর্ সং পানি ভিদিরেদি মরে নেযেল।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

সখরিয় 1:16

সেনত্তে মুই যিরূশালেমানরে মেয়্যে গুরিবাত্তে ফিরি এইম্। সিয়েনত্ মঅ ঘরান আরঅ বানা অবঅ আর যিরূশালেম শঅরানরে মাবিনে আরঅ বানা অবঅ।

সখরিয় 1:18

সে পরেদি মুই রিনি চেইনে চের্‌‌বো শিং দেগিলুং।

ফগদাং পেইয়্যে 11:1

সে পরেদি মাবেদে কাদি ধোক্ক্যেন এক্কো নলর্ লুদিক্ মরে দিয়্যে অলঅ আর কুয়ো অলঅ, “উবোসনা-ঘর আর পূজো মাপ আর যিগুনে সিধু গোজেনর্ উবোসনা গরন্ তারারে গুণো।

ফগদাং পেইয়্যে 21:15

যিবে মঅ লগে কধা কোইয়্যে তা আঢত্ এক্কো সনার্ মাবেদে লুদিক্ এলঅ, যেন তে সেই শঅরান্, তার্ গেট্‌তুন আর তার দেবালান্ মাবি পারে।