সখরিয় 14:6 - Chakma Bible

⁶ সেদিন্যে কনঅ পহ্‌র ন-থেবঅ, চানান্ আর বেলান্ আন্ধার্ ওই যেবঅ।

সখরিয় 14:6 ပူးပေါင်းရင်းမြစ်များ

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 24:23

চানানে আমক্ অবঅ আর বেলানে লাজেব, কিত্তে বেগত্তুন্ খেমতাবলা লগেপ্রভু সিয়োন মুড়োবোত্ আর যিরূশালেমত্ রাজাগিরি গুরিবো, আর তার বুড়ো নেতাগুনে তার মহিমাগান দেগিবাক্।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিরমিয় 4:23

মুই পিত্‌‌‍থিমীগান ইন্দি রিনি চেলুং; সিয়েন মাজারায়ো নেই আর খালি; আগাজ ইন্দি রিনি চেলুং, সিয়েনত্ পহ্‌র নেই।‌‍

যিহিষ্কেল 32:7

তরে শেজ্ গুরি দিবার সময় মুই আগাজ্‌‌‌‌‌‌চান নাঢি দিম আর তারাগুন্ কালা গুরি দিম; মেঘ্‌‌‌‌‌‌কোই মুই বেলানরে নাঢি দিম আর চানানে পহ্‌‌‌‌‌‌র ন-দিবো।

যিহিষ্কেল 32:8

তঅ উগুরে আগাজর্ বেক পহ্‌‌‌‌‌‌রান মুই কালা গুরি দিম; তঅ দেজ উগুরে মুই আন্ধার্ আনিম। মুই প্রভু লগেপ্রভু এ কধাগান কঙর্।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

যোয়েল 2:30

মুই আগাজত্ আর পিত্‌‌থিমীত্ আমক্ আমক্ ঘটনা দেগেম, অত্তাৎ লো, আগুন আর অমকদ ধূমো দেগিবা।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

যোহন 1:5

সে পহরান্ আন্ধারত্ জ্বলের্ মাত্তর্ আন্ধার্ পহ্‌‌রানরে জিদি ন-পারে।

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

প্রেরিত্‌ 2:16

ইয়েন সে ঘটনাগান ধোক্ক্যেন্ যিয়েন কধা ভাববাদী যোয়েলে কোইয়্যে, গোজেনে কোইয়্যেদে,

প্রেরিত্‌ 2:19

মুই উগুরে আগাজত্ আমক্ আমক্ ঘটনা দেগেম্, আর তলেদি পিত্‌থিমীত নানান্ বাবোত্যে চিহ্নো দেগেম্, অত্তাৎ লো, আগুন আর বোউত্ ধূমো দেগেম্।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”