সখরিয় 14:20 - Chakma Bible

²⁰ সেদিন্নো “লগেপ্রভুর নাঙে পবিত্র” এ কধাগান ঘোড়া গত্তনাবোত্ ঘন্টাবো উগুরে খোদাই গোজ্যে থেবঅ আর লগেপ্রভুর ঘরর রানেদে পিলেগুন পূজোবো মুজুঙোত্ সুদ্ধো-সাংগ কদরাগুনো ধোক্ক্যেন পবিত্র অবঅ।

সখরিয় 14:20 ပူးပေါင်းရင်းမြစ်များ

১ রাজাবলী 7:50

খাটি সনার গলস, বুদ্দিবো কাজেবার চিম্‌টিগান, চেরাগ, মেজাং আর আগুন্‌ রাগেবার পিলেবো; ভিদিরে গুদিবো, অত্তাৎ দাঙর্ পবিত্র জাগানর দোরানত্তে আর তবনা-ঘরর আজল্‌ গুদিবো দোরানত্তে সনার কব্‌জা।

২ বংশধর 4:8

ইয়েনি বাদেয়ো তে দশছান্‌ টেবিল বানেইনে তবনা-ঘরঅ ভিদিরে দোগিণেন্দি পাচ্‌ছান্‌ আর আর উত্তোরেন্দি পাচ্‌ছান্‌ রাগেল। তে একশততুয়ো সোনার চেরাগ্‌অ বানেল।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যাত্রা 25:29

টেবিলো দাঙর্‌ আর চিগোন্‌ বাজোনুন্‌ আর বেক্‌ পানি কুমুন্‌ আর কদরাত্তুন্‌ ঢালন-উৎসর্বর জিনিসছানি ঢালা পড়িবো সিগুন্‌ বেক্কুন খাটি সনালোই‌ বানা পড়িবো।

যাত্রা 37:16

টেবিলানর্‌ পযাপিরানি খাটি সনালোই বানা অলঅ‌। সিগুন অলদে দাঙর্‌ আর চিগোন্‌ বাজোনুন্‌ আর ঢালন-উৎসর্বর্‌ বেক্‌ কুম্‌ আর কদরাগুন্‌।

যাত্রা 39:30

সে পরেদি তারা খাটি সনালোই এক্কান পাত্‌ বানেলাক্‌। ইবে এক্কো পবিত্র মুকুট। সীলমহ্‌র খোদাই গোজ্যেদে ধোক্ক্যেন গুরি সেই পাত্তান উগুরে এ কধাগান্‌ খুড়িনে লেগা অলঅ‌, “লগেপ্রভুর্‌ নাঙে ফারক্‌ গুরি রাগানা।”

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিরমিয় 31:40

গোদা কলগ্‌‍‍‍‍‍‍‍‍‍‍‍‍‍‍কানত্ যিয়েনত্ মরা কিয়্যেনি আর ছেই ফেলা অয় আর পূগেদি ঘোড়া-গেদোর্ কোণাবো সং কিদ্রোণ কলগর্ বেক মাঠ্‌তুন লগেপ্রভুর নাঙে যুদো গুরি রাগা অবঅ। শঅরানরে আর কনদিন্‌অ উগুড়ে ফেলানা বা ভস্ত গরা ন-অবঅ‍‍‍‍‍‍‍‍‍‍‍‍‍‍।”

যিহিষ্কেল 45:1

তুমি যেক্কে সোম্বোত্তি ইজেবে দেজর্ ভূইয়ানি ভাগ্ গুরি দিবা সেক্কে পোজোস্ আজার্ মাবেদে কাদি লাম্বা আর কুড়ি আজার্ মাবেদে কাদি পাদাজ্যে দেজর্ এক কট্টা ভূই লগেপ্রভুরে দিবা; সেই পুরো চাগালাগান অসিজি অবঅ।

লেবীয় 6:28

যে মাদির্‌ চাড়িবোত্‌ এ উৎসর্বর্‌ য়েরাগান্‌ উজো অবঅ সিবে ভাঙি ফেলা পুরিবো, মাত্তর্‌ যুনি পিদোল পিলেবোত্‌ সিয়েন্‌ উজো অয়্‌ ছালে সিবে মাজিনে পানিলোই ধোই ফেলা পুরিবো।

লেবীয় 8:9

সে পরেদি কবঙান্‌ হারোণর্‌ মাদা উগুরে রাগেইনে পবিত্র মুকুট্টো, অত্তাৎ সেই সনার্‌ পাত্তান্‌ কবঙানর্‌ মুজুঙেন্দি বোজেই দিলো। বেক্কানি মোশি লগেপ্রভুর্ উগুম মজিম গুরিলো।

ওবদিয় 1:17

মাত্তর্ সিয়োন মুড়োবোত্ কয়েক্কো মানুচ্ রোক্ষ্যে পেবাক্; তারা অবাক্ গোজেন নাঙে যুদো গোজ্যে মানুচ্। যাকোবর বংশবো তারার্ পাওনা সাজা সোম্বোত্তি পেবাক্।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

সখরিয় 14:19

মিসর আর অন্য যিদুক্কুন জাদে চিগোন-ঘরর্ পরব পালেবাত্তে ন-যেবাক্ তারারে এ সাজাগান দিয়্যে অবঅ।

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

গণাণা 4:14

সে পরেদি সিয়েন উগুরে তারা পূজোবোর্‌ বেক্‌ থাল্‌-বাজোন্‌, আগুন্‌ রাগেবার্‌ পিলে, য়েরা ফেলেবার্‌ কাঁদা, হাতা আর উৎসর্বর লো রাগেবার্‌ কদরা রাগেবাক্। তারা সিয়েন উগুরে শুশুকোর্‌ চামান বিজেই দিবাক্‌ আর তার্‌ লাগাড়াগুন জাগা মজিম ভোরেই দিবাক্‌।

গণাণা 4:7

মুজুঙো-রুটি রাগেবার টেবিলো উগুরে তারা এক্কান্‌ য়েল্‌ কাবড়্‌ বিজিইনে সিবে উগুরে টেবিলোর্‌ দাঙর্‌ আর চিগোন্‌ বাজোনুন্‌, কদরা আর ঢালেদে-উৎসর্বর কুমুন্‌ রাগেবা। যে রুটিগানি নিত্য টেবিলো উগুরে থায় সিয়েনি টেবিলো উগুরেই থেবঅ।

গণাণা 7:13

তার্‌ বক্‌শিজ্‌ছান্‌ এলঅ শোজ্য-উৎসর্বত্তে তেলর্‌ ময়ান্‌ দিয়্যে নিগুজ্‌ মোয়দে ভোজ্যে ধর্মীয় মাবর্‌ এক কেজি তিনশত গ্রাম ওজনর্‌ এক্কো রুবোর্‌ থালা আর একই জিনিস্‌ছোই্‌ ভোজ্যে সাতশত গ্রাম ওজনর্ এক্কো রূবোর্‌ কদরা;

গণাণা 7:19

তার্ বক্‌শিজ্‌চানি এলদে শোজ্য-উৎসর্বত্যে তেল্লোই মেক্যে ‍নিগুজ্ মোইদ্যেলোই ভরা ধর্মীয় মাবর্ এক কেজি তিনশত্ গ্রাম এক্কো রুবোর্ বাজোন্ আর একই জিনিচ্চোই ভরা সাতশত্ গ্রাম এক্কো রুবোর্ কদরা;

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

প্রেরিত্‌ 10:15

সেক্কে তে আরঅ শুনিলো, “গোজেনে যিয়েন সিজি গোজ্জ্যে সিয়েনরে তুই অপবিত্র ন-কোচ্।”

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

প্রেরিত্‌ 11:9

ইয়েন পরেদি স্বর্গত্তুন্ দ্বিবার্ কুয়ো অলঅ, গোজেনে যিয়েন সিজি গোজ্জ্যে সিয়েনরে তুই অপবিত্র ন-কোচ্।

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”

১ শমূয়েল 2:14

সিবেলোই তে মাত্যে আড়িত্‌ বা গাবালাত বা কোড়েয়েত্ বা পিলেত্ গুদেইদাক্ আর কাদা চামেচ্চোই যে য়েরাগান উদি এদঅ সিয়েন বেক্কান ধর্মগুরুবো নিজোত্তে নেযেদ। ইস্রায়েলীয়গুনোর যিদুক্কুন মানুচ্ শীলোত এদাক্ তারা উগুরে তারা এধোক্ক্যেন বেবহার গুরিদাক্।