সখরিয় 14:16 - Chakma Bible

¹⁶ পরেদি সেই বেক্ জাদর্ বাঁজি থেইয়্যে মানুচ্চুনে সেই রাজাবোর্, অত্তাৎ বেগত্তুন্ খেমতাবলা লগেপ্রভুর উবোসনা গুরিবাত্তে আর চিগোন-ঘর পরব্ পালেবাত্তে পত্তি বজর্ যিরূশালেমত্ এবাক্।

সখরিয় 14:16 ပူးပေါင်းရင်းမြစ်များ

২ বংশধর 8:13

মোশির উগুম্‌ মজিম তে জিরেবার্‌ দিনোত্‌, আঙোস্যেত্‌ আর বজরর্‌ তিন্নো পরবত্‌, অত্তাৎ সদানেইয়্যে রুটির পরবত্‌, সাত-সাপ্তার পরবত্‌ আর নাদা মান্‌জ্যর-ঘরর্‌ পরবত্‌-সেই বেক্‌ দিনুনোর্‌ সুদোম মজিম উৎসর্বর অনুষ্ঠান গুরিদাক্‌।

ইষ্রা 3:4

সে পরেদি তারা বোইবোর কধামজিম্ নাঢা মান্‌‍‍জ্যর্ ঘরর্ পরব্ পালেলাক্ আর পত্তি দিনোর্ ঠিগ সংখ্যে মজিম্ পূজ্যে-উৎসর্গর অনুষ্ঠান গুরিলাক্।

গীতসংহিতা 66:4

দুনিয়ের বেক্ মানুচ্চুনে তরে তর্ যগাজ্যে সর্মান দিবাক্; তর্ নাঙে তারা নাঙ্ গিনেদে-গীদ্ গেবাক্; তারা তর্ নাঙ্ গিনেদে গীদ্ গেবাক্।”

যিশাইয় 18:7

সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্‌‌‌তুনো ইত্তুন্ বক্‌‌শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্‌‌‌শিজ্‌চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।

যিশাইয় 19:21

এবাবোত্যেগুরি লগেপ্রভু মিসরীয়গুনো ইদু নিজোরে ফগদাং গুরিবো আর সেদিন্যে তারা লগেপ্রভুরে স্বিগের্ গুরিবাক্। তারা এ্যামান-উৎসর্ব আর শোজ্য উৎসর্ব গুরিনে তারে উবোসনা গুরিবাক্ আর লগেপ্রভু ইদু মানত্ গুরিনে সিয়েনি ছিড়েবাক্।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 66:23

পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

যিরমিয় 46:18

যিবে নাঙান্ বেগত্তুন্ খেমতাবলা লগেপ্রভু সেই রাজাবো ফগদাং গোজ্যে, মঅ জিংকানিগানর্ নাঙে কঙর্, এমন এক্কো এবঅ যিবে মুড়োগুনো ভিদিরে তাবোর ধোক্ক্যেন, সাগর ইধু কর্মিল ধোক্ক্যেন।

যিরমিয় 48:15

মোয়াব্‌পান্ ভস্ত অবঅ আর তা শঅরানি আক্রমণ গরা অবঅ; তার মূলুক্ মূলুক্ গাবুজ্যেগুনে গদ্দন্ দিবার জাগানত্ লামিবাক্।” যিবের্ নাঙান বেগত্তুন্ খেমতাবলা লগেপ্রভু সেই রাজাবো এ কধাগান কোইয়্যেদে,

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

হোশেয় 12:9

মাত্তর্ ও ইফ্রয়িম, মুয়ই তর্ গোজেন লগেপ্রভু; মুই মিসর দেজত্তুন্ তরে নিগিলেই আন্যং। তর্ ঠিগ্ গোজ্যে পরব সময়ো ধোক্ক্যেন গুরি মুই আরঅ তরে তাম্বুলোত্ বজত্তি গোরেম।

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

সখরিয় 9:7

মুই তারা মুয়োত্তুন্ লো সুদ্ধো য়েরা আর অন্য মানা গোজ্যে হানা নিগিলেম্। তারা ভিদিরে যিগুনে বাঁজি থেবাক্ তারা মঅ মানুচ্ অবাক্; তারা অবাক্ যিহূদার এক্কো বংশ ধোক্ক্যেন আর ইক্রোণান অবঅ যিবূষীয়গুনো ধোক্ক্যেন।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

লূকে লেখ্যে গম্ হবর্ 19:38

“প্রভুর্ নাঙে যে রাজাবো এজের্ তার বাঈনী ওক্‌ । স্বর্গত্ শান্তি, আর সিধু গোজেনর্ মহিমা ফগদাং পেইয়্যে।”

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

যোহন 7:2

সেক্কে যিহূদীগুনোর্ তাম্বুল-ঘর পরবর্ অক্‌ত প্রায় ওইয়েগি।

প্রেরিত্‌ 15:17

যেন অন্য বেক্‌ মানুচ্চুনে, অত্তাৎ যিদুক্কুন অযিহূদীরে মর্ বিলিনে ডাগা ওইয়্যে তারা মরে তোগেই পারন্।’ প্রভু, যিবে ইয়েনি বেক্ কামানি গরে তে এ কধানি কর্, আর প্রভুই এ বেক্ক্যানি গরের্।

রোমীয় 11:16

মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

রোমীয় 11:5

গোজেনে সেই একই ধগে এজঅ দোয়্যে গুরি ইস্রায়েলীগুনোরে বিশেষ এক্কো ভাগরে বেঈ রাগেয়্যে।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”