সখরিয় 12:12 - Chakma Bible

^12-14 দেজর্ পত্তি বংশর্ মানুচ্চুনে যুদো যুদো গুরি বিলেপ্ গুরিবাক্। দায়ূদো বংশর, নাথন বংশর, লেবি বংশর, শিমিয়ির বংশর আর বাদবাগি বেক্ বংশর মানুচ্চুনে বিলেপ্ গুরিবাক্। মরদ্‌‌‌তুনে আর তারা মোগ্‌‌‌কুনে যুদো যুদো গুরিনে বিলেপ্ গুরিবাক্।

সখরিয় 12:12 ပူးပေါင်းရင်းမြစ်များ

২ শমূয়েল 12:1

লগেপ্রভু সেক্কে নাথনরে দায়ূদো ইদু পাদেল। তে দায়ূদো ইদু যেইনে কলঅ, “কনঅ এক্কান্‌ শঅরত্‌ দ্বিজন মানুচ্‌ এলাক্। তারার্‌ একজনে থাগোয়্যে আর অন্যজনে নাঢা।

২ শমূয়েল 5:14

যিরূশালেমত্‌ তার যিদুক্কুন্‌ ঝি-পূঅর জর্ম ওইয়োন তারা নাঙানি অলঅ সম্মূয়, শোবব, নাথন, শলোমন,

যাত্রা 12:30

সেই রেদোত্‌ ফরৌণে আর তার্‌ বেক্‌ কাম্‌গুরিয়েগুন্‌ আর মিসরর্‌ পত্তি মানুচ্চুন ঘুমোত্তুন্‌ জাগি উদিলাক্; আর পুরো মিসর্‌ দেজত্‌ এক্কো কানানির কিজেক্‌ পড়ি গেলঅ, কিত্তে এমন্‌ এক্কান্অ ঘর বাদ ন-যায় যিয়েনত্‌ কনজন্‌ মুরি ন-যান্‌।

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

যিরমিয় 3:21

এড়েইয়্যে মুড়োগুনো উগুরে ইস্রায়েলীয়গুনোর কানানি আর কোজোলি গরানার রঅ শুনো যার্, কিত্তে তারা পথ্‌তান তারা বেঙা গোজ্যন আর তারার গোজেন লগেপ্রভুরে তারা ভুলি যেইয়োন।‌‍

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যোয়েল 2:16

মানুচ্চুনোরে এগত্তর্ গুরিনে গোজেন নাঙে তারারে যুদো গর্; বুড়ো নেতাগুনোরে এক জাগাত্ ডাগ্, যিগুনে বুগো দুধ হান্ তারারে আর পুয়ো-ঝিগুনোরে এগত্তর্ গর্। নুয়ো বৌ নুয়ো জামেয় ঘর ফেলেই এত্তোক্।

সখরিয় 12:11

সেদিন্যে যিরূশালেমত্ অমকদ বিলেপ্ গুরিবাক্, যেবাবোত্যেগুরি মগিদ্দো সংজাগানর্ হদদ্-রিম্মোণত্ ওইয়্যে।

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

লূকে লেখ্যে গম্ হবর্ 3:31

ইলিয়াকীম মিলেয়ার পুয়ো, মিলেয়া মিন্নার পুয়ো, মিন্না মত্তথের পুয়ো, মত্তথ নাথনর পুয়ো, নাথন দায়ূদোর পুয়ো;

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।