সখরিয় 12:11 - Chakma Bible

¹¹ সেদিন্যে যিরূশালেমত্ অমকদ বিলেপ্ গুরিবাক্, যেবাবোত্যেগুরি মগিদ্দো সংজাগানর্ হদদ্-রিম্মোণত্ ওইয়্যে।

সখরিয় 12:11 ပူးပေါင်းရင်းမြစ်များ

২ রাজাবলী 23:29

যোশিয়োর রাজাগিরির সময়োত্‌ মিসরর রাজা ফরৌণ-নখো আসিরিয়ার রাজারে বল্‌ দিবাত্তে ইউফ্রেটিস গাঙ ইন্দি গেলঅ। সেক্কে রাজা যোশিয় তা লগে যুদ্ধো গুরিবাত্তে নিগিলিলো, মাত্তর্‌ ফরৌণ-নখো তা লগে যুদ্ধো গুরিনে তারে মগিদ্দোত মারে ফেলেল।

২ বংশধর 35:22

মাত্তর্‌ যোশিয় ন-ফিরিলো, বরং তা লগে যুদ্ধো গুরিবাত্তে নানান্‌ পোজাগে নিজোরে সাজেল। গোজেন উগুমে নখো তারে যিয়েনি কলঅ সিয়েনি তে কান্‌ ন-পাদিনে মগিদ্দোর সংজাগাত্‌ তা বিরুদ্ধে যুদ্ধো গুরিবাত্তে গেলঅ।

২ বংশধর 35:24

সেনত্তে তারা তা রথ্‌তানত্তুন্‌ তারে তুলি নেযেইনে তার্‌ অন্য রথ্‌তানত্‌ রাগেলাক্‌ আর তারে যিরূশালেমত্‌ আনিলাক্‌, আর সিয়োদোই তে মুরি গেলঅ। তার্‌ পূরোণি মানুচ্চুনোর্‌ কবরত্‌ তারে গোর্ দিয়্যে অলঅ, আর যিহূদা আর যিরূশালেমর বেক্‌ মানুচ্চুনে তাত্তেই আবিলেচ্‌ হেলাক্‌।

সখরিয় 12:12

দেজর্ পত্তি বংশর্ মানুচ্চুনে যুদো যুদো গুরি বিলেপ্ গুরিবাক্। দায়ূদো বংশর, নাথন বংশর, লেবি বংশর, শিমিয়ির বংশর আর বাদবাগি বেক্ বংশর মানুচ্চুনে বিলেপ্ গুরিবাক্। মরদ্‌‌‌তুনে আর তারা মোগ্‌‌‌কুনে যুদো যুদো গুরিনে বিলেপ্ গুরিবাক্।

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 16:16

ইব্রীয় কধানি যে জাগায়ানর নাঙান্ হরমাগিদোন, ভান্ন্যেই আত্মাগুনে সেই রাজাগুনোরে সিয়েনত্ থুবেলাক্।