সখরিয় 11:9 - Chakma Bible

⁹ মুই কলুং, “মুই তমার গরগ্ ন-ওম্। যিবের্ মুরিবার কধা আঘে তে মোরোক্ আর যিবের্ দূর্ ওই যেবার কধা আঘে তে দূর্ ওই যোক্। বাদবাগীগুনে একজনে আর একজনর য়েরা খোক্।”

সখরিয় 11:9 ပူးပေါင်းရင်းမြစ်များ

যিরমিয় 19:9

তারার শত্রুগুন, অত্তাৎ যিগুনে তারারে মারে ফেলেবাত্তে চান তারা যেক্কে তারারে ঘিরিবাক্ সেক্কে সে দুঘোর্ সময়োত্ মুই তারার ঝি-পুয়োগুনোর য়েরাগান তারারে হেবাত্তে বাধ্য গুরিম আর তারা একজনে আর একজনর য়েরা হেবাক্।

যিরমিয় 23:33

লগেপ্রভু মরে কলঅ, এ মানুচ্চুনে বা কনঅ ভাববাদী বা ধর্মগুরু যেক্কে তরে পুযোর্ গুরিবো, লগেপ্রভুর কধানি কি? সেক্কে তুই তারারে কবে, লগেপ্রভু কোইয়্যেদে, তুমি মর্ বোঝা বুধি আর মুই তমারে ফেলেই দিম।

যিরমিয় 23:39

সালে মুই ঘেচ্চেকগুরি মঅ মুজুঙেত্তুন তমারে তুলি নিইনে মেলা মারি দিম আর যে শঅরান্ মুই তমারে আর তমা পুরোণিমানুচ্চুনোরে দুয়োং সেই শঅরানরেয়ো মঅ মুজুঙেত্তুন মেলা মারি দিম।

যিরমিয় 43:11

তে এইনে মিসরান আক্রমণ গুরিবো আর যিগুনে মরণত্তে ঠিগ্ ওই আগন তারার মরণ অবঅ, যিগুনে বন্দী অবাত্তে ঠিগ্ ওই আগন্ তারা বন্দী অবাক্ আর যিগুনে তলোয়ারত্তে ঠিগ্ ওই আগন্ তারা যুদ্ধোত্ মুরিবাক্।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

সখরিয় 13:8

গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 21:19

পধ পাজারাত্ এক্কো ডোমোর্ গাজ্ দেগিনে তে গাজ্‌সো ইধু গেলঅ, মাত্তর্ সিবেত্ পাদা বাদে আর কিচ্চু ন-দেগিলো। সেক্কে তে গাজ্‌সোরে কলঅ, “আর কনদিন্অ তইধু গুলোগুলি ন-ধোরোদোক্।” আর সেক্কে ডোমোর্ গাজ্‌সো শুগেই গেলঅ।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 8:21

যীশু আরঅ ফরীশীগুনোরে কলঅ, “মুই যাঙর্। তুমি মরে তোগেবা, মাত্তর্ তুমি তমা পাপে মুরিবা। মুই যিধু যাঙর্ তুমি সিধু এই ন-পারিবা।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”