সখরিয় 11:8 - Chakma Bible

⁸ এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

সখরিয় 11:8 ပူးပေါင်းရင်းမြစ်များ

১ রাজাবলী 11:25

শলোমনে যেদকদিন বাঁজি এলঅ সেদকদিন রষোণে ইস্রায়েলর লগে শত্রুতা গুরিলো আর সে সময়ানত্‌ হদদেয়ো ইস্রায়েলর বিরুদ্ধে কাম গুরিলো। ইস্রায়েলর বিরুদ্ধে এক্কান শত্রুতাভাব্‌ গুরিনে রষোণে অরাম দেজত্‌ রাজাগিরি গুরিদো।

গীতসংহিতা 106:40

সেনত্তে লগেপ্রভুর রাগ্‌কান তা মানুচ্চুনো উগুরে জুলি উদিলো; যিগুনে তার সোম্বোত্তি তারা উগুরে তার ঘিন্ লাগিলো।

গীতসংহিতা 5:5

যিগুনে বার্‌বো গরন্ তারা তঅ মুজুঙোত্ থেই ন-পারন; যিগুনে বজং কাম্ গুরিনে বেড়ান্ তারারে তুই এলাফেলা গরচ্।

গীতসংহিতা 78:9

ইফ্রয়িমর মানুচ্চুনে ধনুবলা অলেয়ো যুদ্ধোত্ পিজেন্দি উদি যেইয়োন।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিরমিয় 12:8

মঅ সোম্বোত্তিগান মইধু ঝার সিংহ ধোক্ক্যেন ওইয়্যে। তে মরে দেগিনে গুজুরি উঠ্যে, সেনত্তে মুই তারে ঈচ্ গরং।

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 6:30

তারারে কুয়ো অয় এলাফেলা গোজ্যে রূবো, কিত্তে মুই লগেপ্রভু তারারে ফেলেই দুয়োং।”

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

যিহিষ্কেল 16:45

তুই তঅ মাবোর্ যগাজ্যে ঝি, তঅ মাবো তা নেক্কোরে আর ঝি-পুয়োগুনোরে ঈচ্ গুরিদো; তুই তর্ বোনুনোর যগাজ্যে বোন, সেই বোনুনে তারার্ নেক্কুনোরে আর ঝি-পুয়োগুনোরে ঈচ্ গুরিদাক্। তমা মাবো অলঅ হিত্তীয়া আর বাপ্পো ইমোরীয়।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

হোশেয় 5:7

তারা লগেপ্রভু ইধু অবিশ্বেজি ওইয়োন; তারা জার্‌‌গো পুয়োগুনোরে জর্ম দুয়োন। সেনত্তে ইক্কিনে তারার্ আঙোস্যে পরব্‌‌পুনে তারারে গিলি ফেলেব আর তারার্ খেত্‌‌তানিয়ো তারারে গিলি ফেলেব।

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

লেবীয় 26:11

মুই তমান্দিত্তুন্‌ মর্‌ মুয়োন ন-ফিরেম্‌। তমা ভিদিরেই মুই মর্‌ বজত্তির্‌ জাগায়ান্‌ গুরিম।

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

লেবীয় 26:44

তো শত্রুগুনোর্‌ দেজত্‌ থেবার্‌ অক্তত্‌ মুই তারারে এধোক্ক্যেনগুরি অগ্রাজ্য ন-গুরিম বা ঘিনাইদে চোগেদি ন-চেম্‌ যেনে তারা এক্কুবারেই ভস্ত ওই যান্‌ আর ইঙিরিনে তারা সমারে মর্‌ সুদোমান্‌ ভাঙি যায়। মুই লগেপ্রভু তারার্‌ গোজেন।

লূকে লেখ্যে গম্ হবর্ 12:50

মত্তুন্ এক্কো বাপ্তিস্ম লুয়ো পুরিবো, আর যেদক্ দিন সং সিয়েন ন-অয় সেদক্ দিন সং মর্ দুঘোর্ শেজ্ নেই।

লূকে লেখ্যে গম্ হবর্ 19:14

মাত্তর্ তা দেজর্ মানুচ্চুনে তারে ঘিনেদাক্ । ইয়েনত্তে তারা তা পিজেদি মানুচ্ দিপাধেইনে হবর্ দিলাক্, আমি ন-চেই এ মানুচ্চো আমা উগুরে রাজাগিরি গোরোক্।

যোহন 15:18

জগদ মানুচ্চুনে তমারে ঘিনান্, মাত্তর্ মনত্ রাগেয়ো, তা আগেদি তারা মরে ঘিনেয়োন্।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

দ্বি’লম্বর বিররণ 32:19

সিয়েন দেগিনে লগেপ্রভু তার পূঅ-ঝিগুনোর্ ইন্দিত্তুন মুয়োন-ফিরেই নিলো, কিত্যে তারা তার রাগ্‌কান জাগেই তুল্যন্।

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”