সখরিয় 11:17 - Chakma Bible

¹⁷ “অভিশাব্ পোড়োক্, সেই অপদাত্ত গরগ্‌‌কোর, যে সেই পাল্লো ছাড়িনে যায়! লাম্বা ছুরিগানে যেন তা আঢ্‌তানরে আর ডেন্ চোগ্‌‌‌‌কোরে আঘাত গরে। সেক্কে তা আঢ্‌‌‌তান এক্কুবারে শুগেই যেবঅ আর তা ডেন্ চোগ্‌‌‌কো এক্কুবারে কান্ ওই যেবঅ।”

সখরিয় 11:17 ပူးပေါင်းရင်းမြစ်များ

১ রাজাবলী 13:4

বৈথেলত্‌ ডালিপূজোবোর্‌ বিরুদ্ধে গোজেনর মানুচ্চো কধা শুনিনে রাজা যারবিয়ামে ডালিপূজোবো উগুরে আঢ্ বাবেইনে কলদে, “তারে ধরঅ।” মাত্তর্‌ যে আঢ্‌তান্‌ তে মানুচ্চোর্‌ ইন্দি বাবেই দিলো সিয়েন্‌ শুগেই গেলঅ। তে আর্‌ সিয়েন্‌ কায়কুরে টানি নেযেই ন-পারিলো।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 44:10

কন্না দেবেদা বানেয়্যে আর অপদাত্ত মূত্তি ছাজিনে ঢাল্যে?

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 22:1

লগেপ্রভু মরে যিহূদার রাজঘরত্ যেইনে এ হবরান ফগদাং গুরিবাত্তে কলঅ,

যিরমিয় 23:1

লগেপ্রভু কোইয়্যেদে, “অভিশাব্ পোড়োক সেই পালক্‌কুনোর, যিগুনে মর্ চড়িবার বামত্ ভেড়াগুনোরে ভস্ত গরদন্ আর ছিদি দেদন‍্।”

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিহিষ্কেল 13:3

প্রভু লগেপ্রভু কোইয়্যেদে, অভিশাব্ পোড়োক্, সেই ভোক্তিনেইয়্যে ভাববাদীগুনোর, যিগুনোর কনঅ দর্শন ন-পেইনে তারার্ মনগড়া কধা কন্।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

সখরিয় 11:15

সেক্কে লগেপ্রভু মরে কলঅ, এবেরা তুই আরঅ এক্কো বাজে গরগর্ পযাপিরা নেযা।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:16

অভিশাব্ পোড়োক্ তমার্! তুমি নিজে কান্ অদচ অন্যগুনোরে পথ্ দেগঅ। তুমি কোই থাগঅ, উবোসনা-ঘর নাঙে কেঅ শমক্ হেলে সেক্কে কিচ্চু ন-অয়, মাত্তর্ যুনি কেঅ উবোসনা-ঘরর্ সনাগান নাঙে শমক্ হান্ সালে তে সেই শমক্কান্দোই বানা পড়ে।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

১ শমূয়েল 2:31

চেইয়ো, সময় এজের্‌ যেক্কে মুই তর্‌ বংশর্‌ আর তর্‌ পুরোণি মানুচ্চুনোর বংশর মানুচ্চুনোর বলানি এধোক্কেনগুরি কমেই দিম, তর্‌ বংশত্‌ এক্কো মানুচ্‌অ বুড়ো অয় সং ন-বাঁজিবো।