সখরিয় 11:12 - Chakma Bible

¹² মুই তারারে কলুং, “তুমি যুনি গম্ মনে গরঅ সালে মঅ বেতনুন্ দুয়ো; মাত্তর্ যুনি গম্ মনে ন-গরঅ সালে সিগুন থোই দুয়ো।” সেক্কে তারা মরে ত্রিশছো রূবোর্ কট্টা দিলাক্।

সখরিয় 11:12 ပူးပေါင်းရင်းမြစ်များ

পত্থম 23:16

ইফ্রোণ কধাগান শুনিনে অব্রাহামে বেবসায়ীগুনোর্ মাপ ঢগে চেরশ কট্টা রূবো তারে মাবি দিলো। ইফ্রোণে হিত্তীয়গুনো মুজুঙোত্‌ এ চেরশ কট্টা রূবোর্ কধা কোইয়্যে।

পত্থম 37:28

সে মিদিয়নীয় বেবসায়ীগুনো মুজুঙোত এত্তে ন এত্তে ভেইয়ুনে যোষেফরে গাদত্তুন্‌ টানি তুলিলাক আর কুড়ি কত্তা রূবোলোই ইশ্মায়েলীগুনো ইধু তারে বিজি দিলাক্। সে বেবসায়ীগুনে যোষেফরে মিসরত্‌ নেযেলাক্।

১ রাজাবলী 21:2

আহাবে নাবোতরে কলঅ, “ক্ষেত্‌-ক্ষেত্তি গুরিবাত্তে তঅ আংগুর ক্ষেততান্‌ মরে দে, কিত্তেই সিয়েন্‌ মঅ রাজঘরর্‌ কায়। ইয়েনর্‌ বদলে মুই তরে আরঅ এক্কান্‌ গম্‌ আংগুর ক্ষেত্‌ দিম্‌ বা যুনি চাজ্‌ সালে সিয়েন দামানঅ তরে দিম।”

১ রাজাবলী 5:6

“সেনত্তেই তুই উগুম্ গর্‌ যেনে মত্তে লেবানন দেজর্‌ এরস গাজ্‌ছুন কাবা অয়। মঅ মানুচ্চুনে হামাক্কায় তঅ মানুচ্চুনো লগে থেবাক্‌ আর তুই যে বেতনুন্‌ ঠিগ্ গুরি দিবে মুই সে বেতনুন্ তঅ মানুচ্চুনোরে দিম্‌। তুই দঅ হবর্ পাজ্, গাজ্‌ কাবেদে কামত্‌ সীদোনীয়গুনো ধোক্ক্যেন কাবিল মানুচ্‌ আমা ইদু কনজন নেই।”

২ বংশধর 30:4

এ সল্লাগান রাজা আর বেক্‌ মানুচ্চুনো ইদু যগাজ্যে বিলিনে মনে অলঅ।

যাত্রা 21:32

কনঅ‌ গোরু যুনি কনঅ চাগর্ বা চাগরানিরে মেরেইনে মারে ফেলায় সালে তা গিরোজ্‌সোরে সে গোরুর্‌ গিরোজ্‌‌সো ত্রিশ কট্টা রূবো দিবো, আর সেই গোরুবোরে পাত্তর্‌লোই দলা মারিনে মারে ফেলা পুরিবো।

যিরমিয় 32:9

সেনত্তে মঅ কাক্কাবোর পুয়ো হনমেল ইধু মুই অনাথোদর্ সেই ভূইয়ান কিনিলুং আর একশঅ সাদাশি গ্রাম রূবো মুই তারে মাবিনে দিলুং।

লেবীয় 27:4

সে বয়জর্‌ মিলেগুনোত্তে ত্রিশ কট্টা রুবো;

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 26:15

আর পুযোর্ গুরিলো, “যুনি মুই বেঈমানী গুরিনে যীশুরে তমা আঢত্ ধুরি দুয়োং তুমি মরে কি দিবা?” আজল্ ধর্মগুরুগুনে তিরিচ্চো রুবোর টাকা গুণিনে তারে দিলাক্।

মথি লেখ্যে গম্ হবর্ 27:10

প্রভু যেবাবোত্যেগুরি মরে উগুম্ গোজ্যে সেবাবোত্যেগুরি তারা কুমরর্ ভূইয়ানত্তে এই টেঙাগুন্ দিলাক্।”

মথি লেখ্যে গম্ হবর্ 27:9

ইয়েন্দোই ভাববাদী যিরমিয়র মাধ্যমে যে কধাগান্ কুয়ো ওইয়্যে সিয়েন্ পূরোণ্ অলঅ: “তারা তিরিস্‌চো রূবোর্ দীনার্ ললাক্। এই টেঙাগুন্ তার্ দাম। ইস্রায়েলীয়গুনে তাত্তে এই দামান্ ঠিগ্ গোজ্যন্।

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।