সখরিয় 11:10 - Chakma Bible

¹⁰ সে পরেদি মুই দোয়্যে নাঙে সেই লুদিক্কো নিইনে ভাঙি ফেলেইনে বেক জাদ্‌‌তুনো লগে মর্ যে চুক্তি এলঅ সিবে বাতিল গুরিলুং।

সখরিয় 11:10 ပူးပေါင်းရင်းမြစ်များ

গীতসংহিতা 50:2

সিয়োনত্তুন, দোল্ ভরপুনং জাগানত্তুন্, গোজেনর পহ্‌রান্ ছিদি পোজ্যে।

গীতসংহিতা 89:39

তঅ চাগরবোত্যে যে সুদোমান থিদেবর্ গোজ্যস্ সিয়েন তুই টেঙোই মাজ্যচ্; তা মুকুট্‌তো তুই মাদিত্ ফেলেইনে অসিজি গোজ্যস্।

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

সখরিয় 11:7

কাবিবাত্তে যে ভেড়া পাল্লো ঠিগ্ ওই আঘে, বিশেজ্ গুরিনে সেই পালর দুঘ্ পেইয়্যেগুনোরে মুই চরা ধুরিলুং। সে পরেদি মুই দ্বিবে লুদিক্ নিলুং আর সিগুনোর এক্কোর্ নাঙ্ দিলুং দোয়্যে আর অন্যবোর্ নাঙান্ দিলুং মিজেনা; আর মুই সেই ভেড়া পাল্লো চরা ধুরিলুং।

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

লূকে লেখ্যে গম্ হবর্ 21:32

মুই তমারে ঘেচ্চেক্‌গুরি কঙর্, যেক্কে ইয়েনি অবঅ সেক্কেয়ো এ কালর্ কিজু মানুচ্ বাঁজি থেবাক্।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।