সখরিয় 10:1 - Chakma Bible

¹ বসন্তকালত্ ঝড় দিবাত্তে তুমি লগেপ্রভুরে কঅ; তেয়ই ঝড়র্ মেঘ বানায়। তে মানুচ্চুনোরে ঝড় দান গরে আর বেক্কুনো খেদত্ ফসল জর্মায়।

সখরিয় 10:1 ပူးပေါင်းရင်းမြစ်များ

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

ইয়োব 29:23

ঝড়ত্তেই যেধোক্ক্যেন গুরি মান্‌জ্যে বাজ্জ্যেই থান্ সেধোক্ক্যেন গুরিনে তারা মঅ কধাত্তে বাজ্জ্যেই থেদাক্; জার্‌কাল্যে ঝড় ধোক্ক্যেন তারা মঅ কধানি মানিদাক্।

গীতসংহিতা 104:13

তর্ স্বর্গর থেবার জাগানত্তুন্ তুই মুড়ো-মুড়ি উগুরে পানি ফেলাচ্; তর্ সেই কামানত্তে পিত্‌থিমীগানে হুজি অয়।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গীতসংহিতা 65:9

তুই পিত্‌থিমীর মাঢিগান উগুরে খিয়েল্ রাগাচ্ আর সিয়েনত্ পানি দি থাচ্; তুই তার বোলবোল্যেগান্ বোউত্ বাড়েই দে; তত্তুন্ ঝড়র ফুদোগুন লামি এজন্; তুই মান্‌জ্যরে খেত্-খেত্তি দি থাচ্- এবাবোত্যেগুরি মাঢিগান যুক্কোল্ গুরি রাগাচ্-

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

গম্ উপদেজ্ 16:15

রাজা হুজি অলে জিংকানিগান বাঁজে; তার দোয়্যেগান হরান্যে মেঘ ধোক্ক্যেন্।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিরমিয় 10:13

তা উগুমে আগাজর্ পানিগান গুজুরি উদে; তে পিত্‌থিমীর শেজ্ ধুজিত্তুন্ মেঘরে তুলি আনে। তে ঝড়ত্তে কারেন্ বানায় আর তা ভান্ডালত্তুন বোইয়্যের্ নিগিলে আনে।

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 5:24

তারা মনে মনেয়ো ন-কন্দে, এজঅ, আমা গোজেন লগেপ্রভুরে আমি ভোক্তি সহকারে দোরেইনে চলিই, যিবে অক্ত মজিম্ শরৎ আর বসন্ত কালত্ ঝড় দে, যিবে আমাত্তে খেত্ কাবিবার যগাজ্যে গুরি সময়ান রোক্ষ্যে গরে।

যিরমিয় 51:16

তা উগুমে আগাজর্ পানিগান গুজুরি উদে; তে পিত্‌‌‌‌‌‌‌‌থিমীর শেজ্ দুযিত্তুন্ মেঘ তুলি আন্যে। তে ঝড়ত্তে কারেন্ বানায় আর তা ভান্ডালত্তুন্ বোইয়্যের্ নিগিলে আনে।

যিহিষ্কেল 34:26

মুই তারারে বর্ দিম আর মর্ মুড়োগুনোর্ চেরোকিত্তে জাগানিরে বর্ দিম। মুই ঠিগ্ সময়োত্ ঝড়্ পাদেম; সিয়েন অবঅ বর্ পানার্ ঝড়।

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

হোশেয় 10:12

তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

মীখা 5:7

ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

যোহন 16:23

সেদিন্ন্যে তুমি মরে কনঅ কধা পুযোর্ ন-গুরিবা। মুই তমারে ঘেচ্চ্যেক্‌গুরি কঙর্, তুমি মঅ নাঙে বাবা ইধু যিয়েনি মাগিবা সিয়েনি তে তমারে দিবো।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

দ্বি’লম্বর বিররণ 28:23

তমার মাদাগুনো উগুরে আগাজ্‌ছান অবদে পিদোল ধোক্ক্যেন দরঅ, আর টেঙর্‌ তলেন্দি মাদিগান অবদে লুয়ো ধোক্ক্যেন দরঅ।

যাকোব 5:7

ইয়েনত্যে ভেইলগ্, যেদ্ক বিলোন সং প্রভু ন-এজে সেদ্ক বিলোন সং ধৈর্য্য ধুরিনে বেক্কানি সোজ্জ্য গরঅ। খেদর্ মংগা ফসলত্যে চাজ্ গুরিয়্যেবো কেধোক্ক্যেন গুরিনে বাজ্জেই থায় আর পত্তম আর শেজ্ বারিজেবোত্যে ধৈয্য ধরে, সিয়েন দেক্ক্য?