সখরিয় 1:5 - Chakma Bible

⁵ তমা সেই পূরোণি মানুচ্চুনে ইক্কিনে কুদু? আর ভাববাদীগুনে কি উমরত্যে বাঁজি থান্?

সখরিয় 1:5 ပူးပေါင်းရင်းမြစ်များ

২ রাজাবলী 13:14

ইয়েন আগেন্দি ইলীশায় অসুগ্ এলঅ আর সে অসুগকান্দোই তে মুরি গেলঅ। তে মুরি যেবার্‌ আগেন্দি ইস্রায়েলর রাজা যিহোয়াশে তারে চেবাত্তেই যেইয়্যে আর কানি কানি কোইয়্যেদে, “ও মর্‌ বাবা, মর্‌ বাবা, রথ আর ঘোড়াসৈন্যগুনো ধোক্ক্যেন তুই ইস্রায়েলর রোক্ষ্যেগুরিয়্যে।”

২ রাজাবলী 13:20

যেরেন্দি ইলীশায় মুরি গেলঅ আর তারে গোর্ দিয়্যে অলঅ। পত্তিবারত্‌ ফাগোন-চোত্‌মাস্যে মোয়াবীয় হানাদারুনে ইস্রায়েল দেজত্‌ সুমিদাক্‌।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

উপদেশক 1:4

এক বংশ যায়, আর এক বংশ এজে, মাত্তর্ পিত্‌থিমীগান্ উমরত্তে থেবঅ।

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিরমিয় 36:28

“যিহূদার রাজা যিহোয়াকীমে যে বোইবো পুড়ি দিয়্যে সে পত্তম বোইবোত যিয়েনি লেগা এলঅ সিয়েনি বেক্কানি তুই আর এক্কো ভাজ্ গুরি থোইয়্যে বোই নিইনে সিয়েনত্ লেগ্।

আবিলেচ্ 5:7

আমা পুরোণি মানুচ্চুনে পাপ গোজ্যন্; তারা ইক্কিনে আর নেই, মাত্তর্ আমি তারার্ সাজানি বুয়োই নেযের্।

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।

১ শমূয়েল 25:1

পরেন্দি শমূয়েলে মুরি গেলঅ। বেক্‌ ইস্রায়েলীয়গুনে এক জাগাত্‌ এগত্তর্‌ ওইনে তাত্তেই আবিলেচ্‌ হেলাক্‌। তারা রামাত্‌ তার নিজোর ঘরদই তারে গোর্ দিলাক্। ইয়েনর পরেন্দি দায়ূদে পারণ ধূল্যেচর-চাগালাত্‌ গেলঅ।