সখরিয় 1:19 - Chakma Bible

¹⁹ যে স্বর্গদুত্‌‌তো মঅ লগে কধা কোইয়্যে মুই তারে পুযোর্ গুরিলুং, “ইগুন কি?” জোবত্ তে মরে কলঅ, “ইগুন সেই শিং যিগুন যিহূদা, ইস্রায়েল আর যিরূশালেমর মানুচ্চুনোরে নানান্ জাগাত্ ছিদি দিয়্যে।”

সখরিয় 1:19 ပူးပေါင်းရင်းမြစ်များ

১ রাজাবলী 22:11

সেক্কে কনানার পূঅ সিদিকিয় লুয়োর্‌ শিং বানেইনে এ কধাগান্‌ ফগদাঙ্‌ গুরিলো, “লগেপ্রভু কত্তে, অরামীয়গুনে শেজ্‌ ওই ন-যানা সং তুই ইয়েনিলোই তারারে খাত্যেবে।”

ইষ্রা 4:1

যিহূদা আর বিন্যামীনোর মানুচ্চুনোর শত্রুগুনে শুনিলাক্কে যে, বন্দীগুনে ফিরি এইনে ইস্রায়েলর্ গোজেন নাঙে এক্কান উবোসনা-ঘর বানাদন্।

ইষ্রা 4:4

সেক্কে তারার দেজত্ বজত্তি গুরিয়্যে অন্য জাদ্‌‌‌তুনে যিহূদার মানুচ্চুনোরে উচ্চোমিগানি দোঙেই দিবাত্তে আর দর্‌‌‌বুগ্ লাগা ধুরিলাক্ যেনে তারা সেই ঘরান ন বানান্।

ইষ্রা 4:7

পারস্যের রাজা অর্তক্ষস্তর সময়োত্অ বিশ্লম, মিত্রদাৎ, টাবেল আর তার অন্য সমাজ্যেগুনে অর্তক্ষস্ত ইদু এক্কান চিদি লিগিলাক্। সেই চিদিগান্ অরামীয় কধাদি অনুবাদ গুরিনে লেগা অলঅ।

ইষ্রা 5:3

সেক্কে ইউফ্রেটিস গাঙর্ পোজিম্ পারর্ চাগালাগুনোর শাজন্‌গুরিয়্যে তত্তনয়, শথরবোষণয় আর সিদুগোর্ দাঙর্ পোজিশনর্ কামগুরিয়্যেগুনে যিহূদীগুনো ইধু যেইনে তারারে কলাক্, “উবোসনা-ঘরান আরঅ বানেবাত্যে কন্না তমারে উগুম দিয়্যে?”

গীতসংহিতা 75:4

“মুই বার্‌বোগুনোরে কং, ‘বার্‌বো ন-গোজ্য,’ আর পাজিগুনোরে কং, শিঙুন্ ন-পাত্যেয়ো।

গীতসংহিতা 75:5

তমা শিঙুন ন-পাত্যেয়ো আর গত্তনা বেঙা গুরিনে কধা ন-কোইয়ো। ”

যিরমিয় 48:25

মোয়াবর খেমতার্ শিঙুন্ কাবি ফেলা ওইয়্যে; তা আঢ্‌‌তানি ভাঙি ফেলা ওইয়্যে।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 7:16

যিগুনে সিয়েনত্ থিয়্যেই এলাক্ মুই তারার্ একজন ইধু উজেই যেইনে এ বেক্কানির্ ভেদ্‌‌তান্ পুযোর্ গুরিলুং। সেক্কে তে মরে এ কধাগান কোইনে সেই বেক্কানির ভেদ্‌তান্ বুঝেই দিলো,

আমোষ 6:13

তুমি লো-দবার (যিয়েনর্ ভেদ্‌তান্ কিচ্ছু নয়) জয় গোজ্য বিলিনে ফুত্তি গুরি থাগঅ, আরঅ কোই থাগঅ, “আমি কি নিজো বল্লোই কর্ণয়িম (যিয়েনর্ ভেদ্‌তান্ ‘বোলী শিং’) অধিকার ন-গুরিই?”

হবক্‌‌‌‌কূক 3:14

যেক্কে তা যোদ্ধাগুনে আমারে ছিদি দিবাত্তে অমকদ গুরি আক্রমন গুরিলাক্, সেক্কে তারা তারা ধোক্ক্যেন্ ফুত্তি গোজ্যন্ যিগুনে ভিদিরে ভিদিরে দুখী মানুচ্চুনোরে গিলিনে হুজি অন্। মাত্তর্ তুই তারার্ নেতাবোরে তা যাদিবো ফুদেই দিলে।

সখরিয় 1:18

সে পরেদি মুই রিনি চেইনে চের্‌‌বো শিং দেগিলুং।

সখরিয় 1:21

মুই পুযোর্ গুরিলুং, “ইগুনে কি গুরিবাত্তে এচ্চোন্?” জোবত্ তে কলঅ, “সেই শিঙুন্ অলাক্ সেই বেক্ জাদ্‌তুনোর খেমতা‌‌‌ যিগুনে যিহূদার মানুচ্চুনোরে এমনভাবে ছিদি দুয়োন যে, তারা কনজনে মাঢা তুলি ন-পারন। সেই বেক্ জাদ্‌‌‌‌তুনোরে দর্ দেগেবাত্তে আর তারার্ খেমতাগানরে ভস্ত গুরিবাত্তে এ কালিগরুনে এচ্চোন্।”

সখরিয় 1:9

মুই পুযোর্ গুরিলুং, “ও মর্ প্রভু, ইয়েনি কি?” আর এক্কো স্বর্গদূত যিবে মঅ লগে কধা কোইয়্যে জোবত্ তে কোইয়্যেদে, “সিগুন কি মুই তরে দেগেম।”

সখরিয় 8:14

“মুই বেগত্তুন্ খেমতাবলা লগেপ্রভু কঙর্, তমা পূরোণি মানুচ্চুনে যেক্কে মরে অহুজি গোজ্যন্ সেক্কে মুই তারা উগুরে দযা আনিম্ বিলি ঠিগ্ গোজ্যং আর সিয়েন ঘোদেয়োংঅ।