18 সে পরেদি মুই রিনি চেইনে চের্বো শিং দেগিলুং।
সেক্কে কনানার পূঅ সিদিকিয় লুয়োর্ শিং বানেইনে এ কধাগান্ ফগদাঙ্ গুরিলো, “লগেপ্রভু কত্তে, অরামীয়গুনে শেজ্ ওই ন-যানা সং তুই ইয়েনিলোই তারারে খাত্যেবে।”
ইস্রায়েলর রাজা পেকহর সময়োত্ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্ নেযেল।
মুই বেগত্তুন খেমতাবলা লগেপ্রভু এ এগেমান্ গরঙর্, মর্ শঅরানিত্ আরঅ ভালেদি উগুরি পড়িবো আর মুই আরঅ সিয়োনানরে সান্ত্বনা দিম আহ্ আরঅ যিরূশালেমানরে বেঈ নেযেম।’ ”
যে স্বর্গদুত্তো মঅ লগে কধা কোইয়্যে মুই তারে পুযোর্ গুরিলুং, “ইগুন কি?” জোবত্ তে মরে কলঅ, “ইগুন সেই শিং যিগুন যিহূদা, ইস্রায়েল আর যিরূশালেমর মানুচ্চুনোরে নানান্ জাগাত্ ছিদি দিয়্যে।”
সে পরেদি মুই রিনি চেইনে মাবেদে দুড়িগান আঢত্ এক্কো মান্জ্যরে দেগিলুং। মুই পুযোর্ গুরিলুং, “তুই কুদু যর্?” জোবত্ তে মরে কলঅ, “যিরূশালেমান কত্তমান পাদাজ্জ্যে আর কত্তমান লাম্বা সিয়েন মাবি চেবাত্তে যাঙর্।”
যেরেদি মুই আরঅ রিনি চেইনে দেগিলুং খুলো অবস্থায় এক্কো গুচ্ছ্যেয়ে বোই উড়ের্।
যেরেদি সেই স্বর্গদুত্তো উজেই এইনে মরে কলঅ, “তুই উগুরেদি রিনি চাহ্ কি এজের্।”
সে পরেদি মুই উগুরেদি রিনি চেলে দ্বিজন মিলেরে বোইয়্যের লগে উড়ি এত্তে দেগিলুং। তারার্ ডুয়ো এলঅ সারস পেগো ডুয়ো ধোক্ক্যেন্ আর তারা সেই পিলেবোরে আগাজত্ তুলি নিইনে উড়িনেই গেলাক্।
মুই আরঅ রিনি চেইনে চেরান্ রথ দেগিলুং। সিয়েনি দ্বিবে মুড়ো সংমোধ্যেত্তুন্ নিগিলি এজের্। সেই মুড়ো দ্বিবে অলদে পিদোলর্।
যিরীহোর কায়কুরে যানার পরেন্দি যিহোশূয় খুলো তলোয়ার আদত্ এক্কো মান্জ্যরে তা মুজুঙোত্ থিয়্যেই থাদে দেগিলো। যিহোশূয় তাইদু যেইনে পুযোর্ গুরিলো, “তুই কা তপ্পের্ মানুচ্-আমার্, না আমা শত্রুগুনোর?”
