তীত 3:14 - Chakma Bible

¹⁴ অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

তীত 3:14 ပူးပေါင်းရင်းမြစ်များ

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

মথি লেখ্যে গম্ হবর্ 21:19

পধ পাজারাত্ এক্কো ডোমোর্ গাজ্ দেগিনে তে গাজ্‌সো ইধু গেলঅ, মাত্তর্ সিবেত্ পাদা বাদে আর কিচ্চু ন-দেগিলো। সেক্কে তে গাজ্‌সোরে কলঅ, “আর কনদিন্অ তইধু গুলোগুলি ন-ধোরোদোক্।” আর সেক্কে ডোমোর্ গাজ্‌সো শুগেই গেলঅ।

মথি লেখ্যে গম্ হবর্ 7:19

যে গাজত্ গম্ ফল ন-ধরে সিবে কাবিনে আগুনোত্ ফেলেই দিয়্যে অয়।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

প্রেরিত্‌ 18:3

তারা ধোক্ক্যেন্ তেয়ো তাম্বুল বানাইদ্যে কাম্ গত্ত বিলি তারা সমারে থেইনে কাম্ গরা ধুরিলো।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

রোমীয় 15:28

মর্ এ কামান্ থুম্ অলে পরেদি যেক্কে মুই কোই পারিম, সেই টেঙাগুন্ গমেডালে লুমেই দুয়োন্ সেক্কে তমা কায় কুরে গুরি মুই স্পেইনত্ যেম্।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

ফিলিপীয় 4:16

মুই যেক্কে থিষলনীকীত এলুং সেক্কেয়ো তুমি কয়েকবার সাহায্য পাধেইনে মর্ অভাব্‌পান পূরেই দুয়ো।

ফিলিপীয় 4:17

কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

১ থিষলনীকীয় 2:9

ভেইলগ্, আমার কামানি আর দুঘোর্ কধানি খামাক্কায় তমার্ ইদোত আঘে। তমা ইধু গোজেনর্ গম হবরান্ ফগদাং গুরিবার সময় আমি দিন-রেত্ কাম গোজ্জ্যেই, যেনে আমি তমার কারঅ উগুরে কাঙেলেত্যে ন-ওই।

২ থিষলনীকীয় 3:8

দাম ন-দিইনে কারঅ হানা ন-হেই। আমি দিন-রেত্ কাম আর কষ্ট গোজ্জ্যেই যেনে আমি তমার কারঅ কাঙেলেত্যে ন-ওই।

তীত 2:8

কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

২ পিতর 1:8

যুনি তমার এই বেক্‌ গুণানি থায় আর উগুড়ি পড়ি থায়, সালে আমার প্রভু যীশু খ্রীষ্টরে মূড়োত্ গুরি জানিবার কামত্ তুমি ভালেদ্ অবা।