তীত 1:7 - Chakma Bible

⁷ গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 1:7 ပူးပေါင်းရင်းမြစ်များ

পত্থম 49:6

তারার ভিদিরে ভিদিরে কুজুরোমিগানিত্ মর্‌ কনঅ ভাগ্‌ নেই, মুই তারা দলত্‌ নয়। তারা রাগে মানুজ্‌ খুন্‌ গোজ্যন, আর নিজো মনে মন্‌‌জক্কা গুরি গোরু টেঙ রক্কুন্‌ কাবি দুয়োন্‌।

গম্ উপদেজ্ 14:17

বদমেজাজি মানুচ্ ভুলো ধোক্ক্যেন কাম গরন, আর কুজুরোমি গুরিয়্যেবোরে বেক্কুনে ঘিনান্।

গম্ উপদেজ্ 15:18

রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

গম্ উপদেজ্ 16:32

যে সহজে রাগ ন-গরে তে যোদ্ধাত্তুন্অ গম্; যে শঅর্ জিদি নেযায় তাত্তুন্‌অ বেশ্ যে নিজোরে দোঙেই রাগায় তে গম্।

উপদেশক 7:9

তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিহিষ্কেল 44:21

কনঅ ধর্মগুরু আংগুর-রস হেইনে ভিদিরে উদোনত্ ন-সোমেবাক্।

লেবীয় 10:9

তুই আর তর্‌ পুয়োগুনে আংগুর্‌-রস বা মদ হেইনে মিলন-তাম্বুলোত্‌ ন-চোমেবা, চোমেলে তুমি মুরি যেবা। বংশর্‌ পর্‌ বংশ ধুরিনে ইয়েন্‌ অবঅ তমার্‌ এক্কান্‌ উমরর্ সুদোম।

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;