পরমগীত 8:6 - Chakma Bible

⁶ সীলমহ্‌র ধোক্ক্যেন্ গুরি তুই মরে তঅ মনত্ আর তঅ আঢত্ রাগা; কিত্তে কোচ্‌পানাগান্ মরণ ধোক্ক্যেন্ খেমতাবলা, পাওনা কোচ্‌‌‌‌পানার্ আওজ্‌‌‌চান মরণ জাগা ধোক্ক্যেন্ উদি ন-যায়।‌‌

পরমগীত 8:6 ပူးပေါင်းရင်းမြစ်များ

১ বংশধর 11:18

এ কধাগান শুনিনে সে তিন্নো বীর পলেষ্টীয় সৈন্যদল ভিদিরেন্দি যেইনে বৈৎলেহম গেদো কায় কূয়োবোত্তুন্‌ পানি তুলিনে দায়ূদো ইদু নেযেলাক্‌। মাত্তর্‌ দায়ূদে সিয়েন্‌ ন-হেলঅ; সিয়েন বদলে তে সে পানিগান্‌ লগেপ্রভুর নাঙে মাদিত্‌ ঢালি দিলো।

গীতসংহিতা 120:4

তে তরে যুদ্ধোর্ ধারেয়্যে সেল্ দিবো আর রোতম গাজর ধোক্‌‌ধোক্যে‌ আঙারা।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

যাত্রা 28:21

ইস্রায়েলর্‌ বারবো পূঅত্তে বেক্কুনে বারবো পাত্তর্‌ থেবাক্। সিগুনোর্‌ পত্তি বারবো গুট্টির্‌ এক্কান গুরি নাঙ্‌ খোদাই গোজ্যে থেবঅ‌, যেধোক্ক্যেন গুরি সীলমহর্‌ খোদাই গরা অয়।

গম্ উপদেজ্ 25:22

সিয়েন গুরিলে তুই তা মাধাত্ জোল্ জোল্যে আঙারা কুরেই রাগেবে, আর লগেপ্রভু তরে বক্‌‍শিজ্ দিবো।

গম্ উপদেজ্ 6:34

কিত্তে মনর্ জ্বালাগানে নেগর্ দর্‌গরেপারে রাগ্‌কানরে জাগেই দে; হেনা সুজিবার অক্তত্ তে কনঅ দোয়্যে ন-দেগেব।

পরমগীত 5:8

ও যিরূশালের্ মিলেগুন্, মুই তমারে কোজোলি গরঙর্, যুনি তুমি মঅ পরাণ্যেরে দেগঅ সালে তারে কোই দুয়ো, মুই প্রেমত্ পোজ্যং।

যিশাইয় 49:16

চাহ্, মঅ আঢ পাদানত্ মুই তঅ নাঙান্ লিগি রাগেয়োং; তর্ চেরোকিত্তে দেবালান নিত্য মঅ মুজুঙোত আঘে।

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

হগয় 2:23

ও শল্টীয়েলর পুয়ো মর্ চাগর্ সরুব্বাবিল, মুই লগেপ্রভু সেদিন্যে তরে নিইনে মর্ সীলমহ্‌‌‌রর আংটি ধোক্ক্যেন গুরিম, কিত্যে মুই তরে বেঈ লোইয়োং।’ মুই বেগত্তুন্ খেমতাবলা লগেপ্রভু এ কধাগান কঙর্।”

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।

গণাণা 5:14

মাত্তর্‌ তো যুনি মোক্কো উগুরে সন্দেহ গুরিনে নেক্কোর মনান্‌ জুলি উদে সালে তে তারে ধর্মগুরুগুনো ইদু নেযেব; মোক্কো যুনি অসতী নয়ো অয় তো সন্দেহ গুরিলে নেক্কো তারে ধর্মগুরুগুনো ইদু নেযা পুরিবো। সেই সমারে তা মোক্কোর্‌ পক্ষ ওইনে উৎসর্ব গুরিবাত্তে তাত্তুন্‌ এক কেজি আস্‌তোশত গ্রাম মোক্কের্‌ মোয়দেও নেযা পুরিবো। তে ইয়েন উগুরে কনঅ তেল্‌ বা লোবান ন-দিবো কিত্যে ইয়েন্‌ সন্দেহর্‌ কারনে শোজ্য-উৎসর্ব, অত্তাৎ লগেপ্রভু ইদু অন্যেয় তুলি ধুরিবার্‌ উৎসর্ব।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

রোমীয় 12:20

পবিত্র বোইবোর্ কধা মজিম বরং “তঅ শত্রুবোর্ যুনি পেট্ পুরে তারে হেবাত্তে দে; যুনি তার্ পানি তিরেচ্‌ পায় তারে পানি দে। এবাবোত্যে গুরিলে তুই তা মাধাত্ জ্বোল্‌‌জোল্যা আঙারা থুবেই থবে।”

২ করিন্হীয় 11:2

মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।