পরমগীত 7:9 - Chakma Bible

⁹ আর তঅ মুয়োন্ ওক্ বেগত্তুন্ গম্ আংগুর-রস। সেই আংগুর-রস্‌চান সোজাগুরি মঅ পরাণ্যের্ গত্তনাবোত্ লামি যোক্, ‌‌‌ যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি আংগুর-রস সহজে যায়।

পরমগীত 7:9 ပူးပေါင်းရင်းမြစ်များ

গম্ উপদেজ্ 16:24

মিদে কধা মু বাহ্ ধোক্ক্যেন্; মনানত্তে সিয়েন মধুর আর কিয়্যেগানরে গম্ রাগায়।

গম্ উপদেজ্ 23:31

মদ কিত্তেদি ন-চেয়ো যুনিয়ো সিয়েন রঙর্, যুনিয়ো সিয়েন গলজত্ জোগ্‌জোক্যে, যুনিয়ো সিয়েন সহজে গত্তনাত্ পড়েগোই;

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 5:2

মুই ঘুম্ যেইয়োং, মাত্তর্ মঅ মনান্ জাগন্ এলঅ। উই শুন্, মর্ পরাণ্যে দোরানত্ বারি মারিনে কোইয়্যেদে, “মর্ বৌবো, মর্ পরাণি, মর্ কবো, মর্ খাটি সেই মানুচ্চো, মরে দোরান্ হুলি দে। শিরোপানিলোই মঅ মাঢাবো ভিজি যেইয়্যে, রেদো কুয়ো পানিলোই ভিজি যেইয়্যে মঅ চুলান্।”

রোমীয় 13:11

এদক্কন্ যিয়েনি কলুং, ইধুগোর্ সময় বুঝিনে সেবাবোত্যেগুরি চলঅ। ঘুমোত্তুন্ জাগিবার্ অক্ত ওইয়্যে, কিয়া যেক্কে আমি বিশ্বেজ্ গোজ্জ্যেই সেক্কেত্তুন্ বরং ইক্কিনে উদ্ধোর্ পেবার সময় লুম্মেগি।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”