পরমগীত 7:4 - Chakma Bible

⁴ এদো দাদর্ অজল্ চুগিদার-ঘর ধোক্ক্যেন্ তঅ গত্তনাবো, তর্ চোগ্ দ্বিবে বৎ-রব্বীমর গেদো ইদু হিষ্‌বোনর্ পুয়োরুনো ধোক্ক্যেন্। তঅ নাগ্‌‌কো যেন দামেস্ক ইন্দি মু লেবাননর্ অজল্ চুগিদার-ঘর।

পরমগীত 7:4 ပူးပေါင်းရင်းမြစ်များ

পত্থম 15:2

অব্রামে কলঅ, “ও লগেপ্রভু, মর্‌ প্রভু, তুই মরে কি দিবে? মর্‌দঅ কনঅ ঝি-পুয়ো নেই। মর্‌ মরাণার্‌ পরেদি দামেস্কর ইলিয়েষরে মঅ সোম্বোত্তির্ গিরোজ্ অবঅ।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ রাজাবলী 10:18

ইয়েনর্ পরেন্দি রাজা এদো দাদর্‌ এক্কান্‌ দাঙর্‌ সিংহাসন বানেইনে গম্ সোনালোই সিয়েন বেড়েই দিলো।

১ রাজাবলী 10:22

সাগরত্‌ হীরমর জাহাজ সমারে রাজারঅ দাঙর্‌ দাঙর্‌ তর্শীশ-জাহাজ এলঅ। পত্তি তিন বজর্‌ পর পর সে জাহাজছানি সোনা, রূবো, এদো দাত্, বান্দর আর বেবুন লোইনে ফিরি এদঅ।

১ রাজাবলী 22:39

আহাবর অন্য বেক্‌ কামর কধা, অত্তাৎ তে যিয়েনি গোজ্যে সে বেক্‌ কধানি, এদো দাত্তোই কাম্‌ গোজ্যে যে রাজঘরান্‌ তে বানেয়্যে সিয়েনর্‌ কধানি আর যে শঅরান্‌ তে দরমর গুরিনে তুল্যে সিয়েনর্‌ কধা “ইস্রায়েলর রাজাগুনোর্‌ বিজগ” নাঙে বোইবোত্‌ লেগা আঘে।

১ রাজাবলী 7:2

রাজঘরত্‌ তে লেবানন-বন-কুটির নাঙে এক্কান ঘর বানেল। এ ঘরান একশঅ আত্‌ লাম্বা, পঞ্চাশ আত্‌ পাদাজ্যে আর তিরিশ আত্‌ অজল এলঅ। এরস গাজর্‌ চের্‌ সুর খুদো উগুরে এরস গাজর ছাজি নেযেয়্যে টেগেনুন্‌ বোজেয়্যে এলঅ।

১ রাজাবলী 9:19

তার বেক্‌ ভান্ডাল-শঅর্‌, রথ আর ঘোড়াচালেয়্যেগুনোত্তে শঅর্‌ বানেল, অত্তাৎ যিরূশালেম, লেবানন আর তার্‌ শাজনর অধীনোত্‌ যেদক্কানি রেজ্য এলঅ সিয়েনি ভিদিরে যিয়েনি যিয়েনি তে বানেবাত্তে চেইয়্যে সিয়েনি বেক্কানি গুরিলো।

২ বংশধর 8:6

তে বালৎ শঅর্‌ আর তার্‌ বেক্‌ ভান্ডাল-শঅরানি বানেল আর রথ আহ্‌ ঘোড়াসৈন্যগুনোত্তে কয়েক্কান্‌ শঅর্‌ বানেল। যিরূশালেমত্, লেবাননত্ আর তার্‌ শাজনর্ অধীনোত্‌ যেদক্কানি রেজ্য এলঅ সিয়েনি ভিদিরে তে যিয়েনি যিয়েনি বানেবাত্তে চেইয়্যে সিয়েনি বেক্কানি গুরিলো।

গীতসংহিতা 144:12

আমা পুয়োগুন হার্‌গোজ্যে বয়জত্ যেন গাজ চারা ধোক্ক্যেন্ উদোন্, আর আমা ঝি-গুনে যেন রাজঘরর্ ছাজিনে বানেয়্যে খুদো ধোক্ক্যেন অন।

গীতসংহিতা 45:8

গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

পরমগীত 4:1

মর্ পরাণি, কি দোল্ তুই! অয়, তুই দোল্‌বি। ঘঙদা ভিদিরে তঅ চোগ্‌কুন দ্বিবে কঅ ধোক্ক্যেন্। তঅ চুলান্ যেন গিলিয়দ মুড়োবোত্তুন্ লামি এচ্চ্যে ছাগল পাল্।

পরমগীত 4:4

তঅ গত্তনাবো যেন দায়ূদোর অজল চুগিদার-ঘর ধোক্ক্যেন্ লাম্বা; সিয়েনত্ দুলি দুলি আগেদে এক আজারান্ ঢাল্, সিয়েনি বেক্কানি যুদ্ধোগুরিয়্যেগুনোর্।

পরমগীত 4:5

তর্ বুক্ দ্বিবে যেন লিলি ফুলোর্ ঝারত্ বেড়েয়্যে চুন্নু উরিঙোর্ জামা ছঅ।

পরমগীত 6:5

মত্তুন্ তঅ চোগ্‌‌কুন ফিরেই নেযা; সে দ্বিবে চোগে মরে বেগোচ্চ্যে গরে। তঅ চুলান্ যেন গিলিয়দ মুড়োবোত্তুন্ লামি এচ্চ্যে ছাগল পাল্।

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

ইব্রীয় 5:14

যিগুনোর্ বয়চ্ ওইয়্যে বানা সিগুনে দরঅ হানা হেই পারন্, অত্তাৎ গোজেন কধানির্ আঘাত্যে শিক্ষ্যেনি বুঝি পারন্। বোউত্ অভ্যেজর্ কারনে তারা গম্-ভান্ন্যেই বিচের গুরিবাত্যে শিক্ক্যন্।