পরমগীত 6:11 - Chakma Bible

¹¹ লাঙেলর্ নূয়ো চারাগুন্ চেবাত্তে, আংগুর লুদিত্ বোল্ ধোজ্যে নাহি চেবাত্তে, আর ডালোম গাজত্ ফুল ফুত্যে নাহি চেবাত্তে মুই লামিনে বাদাম গাজ ঝারত্ গেলুং।

পরমগীত 6:11 ပူးပေါင်းရင်းမြစ်များ

পত্থম 2:9

সে জাগার মাদিগানত্‌ তে নানান্ বাবোত্যে গাজ্ জর্মেই দিলো যিগুন্‌ চাদেয়ো দোল্‌ আর যিগুনোর গুলো-গুলিগুন্‌ হাদেয়ো গম্‌। সিগুনবাদে বাগান ভিদিরে তে জিংকানি-গাজ্ আর গম্‌-ভান্ন্যেই-জ্ঞানর গাজ নাঙে দ্বিবে গাজঅ জর্মেই দিলো।

পত্থম 40:10

সিবের্ তিন্‌নো ডেলা। সেই ডেলাগুনোত্‌ বোল্‌ পুড়িবার্‌ লগে লগে ফুল্‌ ফুদিলাক্ আর থুবোত্ আংগুর ধুরিনে পাগিলাক্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 6:12

মুই কিজু বুঝিবার্ আগেদি মর্ বাসনাগান্ মরে মঅ জাদর্ রাজাবো রথ্‌‌‌‌তানির এক্কান ভিদিরে বোজেই দিলো।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

পরমগীত 7:12

আঢিচ্, আমি বেন্যেমাদান্ আংগুর ক্ষেদত্ যেই, চেই, আংগুর লুদিত্ বোল্ পোজ্যন্ নাহি, সিয়েনত্ ফুল ধোজ্যন্ নাহি আর ডালোম ফুল ফুত্যন্ নাহি; মুই সিদু তরে মর্ কোচ্‌‌পানাগান্ দান গুরিম্। ‌

পরমগীত 7:13

দূদাফলুনে তা তুম্বাজ্‌ছান ছিদি দেদন্; তাজা আর পাগানা নানান্ বাবোত্যে গম্ গম্ ফল আমা দোরান কায়-কুরে আগন্। মর্ পরাণ্যে, মুই তত্তেই ইয়েনি রাগেয়োং।

মার্ক 11:13

সেক্কে ডোমোর্ গুলো পাগিবার্ অক্ত ন-এলঅ, মাত্তর্ তো তে দূরোত্তুন্ পাদালোই ঢাক্যে এক্কো ডোমোর্ গাজ্ দেগিনে সিবেত্ কনঅ ফল আঘে নাহি সিবে চেবাত্তে গেলঅ।

লূকে লেখ্যে গম্ হবর্ 13:7

সেক্কে তে বাগান চুগিদার্‌বোরে কলঅ, ‘চাহ্, তিন বজর্ ধুরিনে এ ডোমোর্ গাজ্‌চোত্ মুই ফল তগাঙর্ মাত্তর্ কিচ্চু ন-পাঙর্। সেনত্তে তুই গাচ্চো কাবি ফেলা। কিত্তে ইবে বানা বানা ভূইয়ান বরবাদ্ গুরিবো?’

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”