পরমগীত 6:10 - Chakma Bible

¹⁰ তারা কলাক্, “কন্না সিবে, যে বেন্যেমাদান ধোক্ক্যেন্ দেগা দে, চানান ধোক্ক্যেন্ দোল্, বেলান ধোক্ক্যেন্ জোল্‌‌জোল্যে, আর বাবতা উড়েয়্যে সৈন্যগুনো ধোক্ক্যেন্ যিবের সয়সাগোজ্যে?”

পরমগীত 6:10 ပူးပေါင်းရင်းမြစ်များ

২ শমূয়েল 23:4

তে বেন্যেমাদান্ মেঘনেইয়্যে বেলান্‌ পহর্‌ ধোক্ক্যেন্‌; ঝড় দিবার্‌ পরেন্দি বেলঅ পহরত্‌ মাদিত্তুন্‌ ঘাস উদে তে সিয়েনি ধোক্ক্যেন্‌।’

ইয়োব 11:17

তঅ জিংকানিগান্‌ অবদে দ্বিবুজ্যেত্তুন্‌‌অ বেশ্‌ জোক্‌জোক্যে আর আন্ধারান্‌ অবদে বেন্যেমাদান ধোক্ক্যেন্।

ইয়োব 31:26

যুনি ধোক্‌ধোক্ক্যা বেল আর জুনি-ভরা চানান ইন্দি চেই থাং,

গীতসংহিতা 14:5

গোজেনে তা ভক্তগুনোর্ লগে আঘে, সেনত্তেই সেই মানুচ্চুনে অমকদ দোরে দোরে থেবাক্।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

পরমগীত 1:15

মর্ পরাণি, কি দোল্ তুই! অয়, তুই দোল্। তঅ চোগ্‌কুন দ্বিবে ক ধোক্ক্যেন্।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 6:4

মর্ পরাণি, তুই তির্সা শঅর ধোক্ক্যেন্ দোল্, যিরূশালেম ধোক্ক্যেন্ অমকদ দোল্; বাবতা উড়েয়্যে সৈন্যদল ধোক্ক্যেন্ তর্ সয়সাগজ্যে।

পরমগীত 8:5

তার পরাণ্যে উগুরে ভর্ দিইনে ধূল্যেচর-চাগালাত্তুন্ যে এজের্ সিবে কন্না? আপেল গাজ তলে মুই তরে জাগেলুং; তঅ মা সিয়েনত্ পুয়ো পুদেইনে তরে জর্ম দিয়্যে।

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

হোশেয় 6:5

সেনত্তে মঅ ভাববাদীগুনোরে দিইনে মুই তমারে কট্টা কট্টা গুরি কাপ্যং, মঅ মুয়ো কধালোই তমারে মারে ফেল্যং; মর্ বিচেরর্ রায় তমা উগুরে কারেন ধোক্ক্যেন ঝিমিলেই উঠ্যে।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

ফগদাং পেইয়্যে 1:16

তে তার্ ডেন্ আঢেদি সাত্‌টো তারা ধুরি থোইয়্যে আর তা মুয়োত্তুন্ এক্কান ধার্ ছুরি নিগিলি এজের্ যিয়েনর্ দ্বিয়ো কিত্ত্যেদি ধার্ এলঅ। ভারী তেজে জ্বোল্‌জোল্ল্যে বেলান ধোক্ক্যেন তা মুয়ো চেঙারাগান এলঅ।

ফগদাং পেইয়্যে 10:1

সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 12:1

পরেদি স্বর্গত্ এক্কান দাঙর্ চিহ্নো দেগা গেলঅ-এক্কো মিলে, যে পজাগ্‌কান এলঅ বেলান আর টেঙত্ তলে এলঅ চানান্। বারঅবো তারালোই গাধেয়্যে এক্কো মুকুট্ তা মাঢাবোত্ এলঅ।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।