পরমগীত 5:7 - Chakma Bible

⁷ চুগিদারুনে শঅরত্ ঘুরি ঘুরি চুগি দিবার্ অক্তত্ মরে দেগিলাক্; তারা মরে পিদিলাক্, সেক্কে কালাদাগ্ পড়িলো; শঅর-দেবাল চুগিদারুনে মঅ কিয়্যে কাবড়ান্ কাড়ি নিলাক্।

পরমগীত 5:7 ပူးပေါင်းရင်းမြစ်များ

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

পরমগীত 3:3

চুগিদারুনে শঅরত্ ঘুরি ঘুরি চুগি দিবার্ সময়োত্ মরে দেগিলাক্। মুই তারারে পুযোর্ গুরিলুং, “তুমি কি মঅ পরাণর্ কোচ্‌‌‌‌পানাগানরে দেখ্য?”

পরমগীত 5:6

মঅ পরাণ্যেত্তে মুই দোরান্ খুলিলুং, মাত্তর্ মঅ পরাণ্যে ন-এলঅ, যেয়েগোই। তে যেক্কে কধা কোইয়্যে সেক্কে দুঘে মঅ মনান্ গুলি যেইয়্যে। মুই তারে তোগেলুং, মাত্তর্ ন-পেলুং; মুই তারে ডাগিলুং, মাত্তর্ তে শমক্ ন-দিলো।

পরমগীত 5:8

ও যিরূশালের্ মিলেগুন্, মুই তমারে কোজোলি গরঙর্, যুনি তুমি মঅ পরাণ্যেরে দেগঅ সালে তারে কোই দুয়ো, মুই প্রেমত্ পোজ্যং।

পরমগীত 8:11

বাল্-হামোনত্ শলোমনর্ এক্কান আংগুর খেত্ আঘে; তে সিয়েন্ চেইচিদিয়্যেগুনোর্ আঢত্ দিয়্যে। তা ফলুনোর্ দাম ইজেবে পত্তিজনে বার কেজি রূবো দিয়্যে পরে।

যিশাইয় 3:23

আনা, মসীনা ভিদিরে কাবড়ান্, পাগড়ি আর ওড়নাগানি কাড়ি নিবো।

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

হোশেয় 6:5

সেনত্তে মঅ ভাববাদীগুনোরে দিইনে মুই তমারে কট্টা কট্টা গুরি কাপ্যং, মঅ মুয়ো কধালোই তমারে মারে ফেল্যং; মর্ বিচেরর্ রায় তমা উগুরে কারেন ধোক্ক্যেন ঝিমিলেই উঠ্যে।

মথি লেখ্যে গম্ হবর্ 23:2

রীতি-সুদোম শিক্ষ্যে দেনা পৌইদ্যেনে ধর্ম-মাষ্টরুনে আর ফরীশীগুনে মোশি জাগানত্ আগন্।

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

ফিলিপীয় 3:6

ধর্ম পৌইদ্যেনে মুই এমন্‌ একবুচ্চ্যে এলুং, খ্রীষ্ট মন্ডলী উগুরে মুই অত্যেচার্ গত্তুং; আর গোজেনর্ মানি লোইয়্যে অবার্ আজায় মোশির আইন-কানুন্ পালানা পৌইদ্যেনে কেঅ মরে বদ্‌নাঙ্ গুরি ন-পাত্তাক্।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।