পরমগীত 5:2 - Chakma Bible

² মুই ঘুম্ যেইয়োং, মাত্তর্ মঅ মনান্ জাগন্ এলঅ। উই শুন্, মর্ পরাণ্যে দোরানত্ বারি মারিনে কোইয়্যেদে, “মর্ বৌবো, মর্ পরাণি, মর্ কবো, মর্ খাটি সেই মানুচ্চো, মরে দোরান্ হুলি দে। শিরোপানিলোই মঅ মাঢাবো ভিজি যেইয়্যে, রেদো কুয়ো পানিলোই ভিজি যেইয়্যে মঅ চুলান্।”

পরমগীত 5:2 ပူးပေါင်းရင်းမြစ်များ

পত্থম 29:20

ইয়েন পরেদি যাকোবে রাহেলত্তে সাত বজর্‌ সং কাম্‌ গুরিলো। যাকোব রাহেলরে কোচ্‌পেদ বিলিনে সে বজরুন্‌ তাইধু বানা কয়েক্‌ দিন বিলিনে মনে গুরিলো।

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 81:10

মুয়ই লগেপ্রভু, তমা গোজেন; মুয়ই মিসর দেজত্তুন্ তমারে নিগিলে আন্যং। তুমি দাঙর্ গুরি মুয়োন আহ্ গর্, মুই সিয়েন ভোরেই দিম।

গম্ উপদেজ্ 23:26

মঅ পুয়োবো, মঅ শিক্ষ্যেগান মনযোগ দে; মঅ জিংকানিগান দেগিনে যেন তুই হুজি অচ্।

পরমগীত 1:16

মঅ পরাণ্যে, কি দোল্ তুই! অয়, তুই অমকদ দোল্। আমা বিচ্ছোনান্ পাদালোই ভরা ডেলালোই বানেয়্যে।

পরমগীত 2:10

মর্ পরাণ্যে মরে কোইয়্যেদে, “মঅ পরাণি, উঠ্; মর্ দোল্‌বি, মঅ সমারে আয়।

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

পরমগীত 2:8

উই শুন্, মঅ পরাণ্যের্ রবো, উই চাহ্, তে এজের্; তে মুড়ো-মুড়ি উগুরেদি ফাল্যে ফাল্যে এজের্।

পরমগীত 3:1

রেদোত্ মঅ বিচ্ছোনানত্ মর্ পরাণর্ কোচ্‌পানাগানরে মুই তোগেয়োং; মুই তারে তোগেয়োং, মাত্তর্ ন-পেলুং। ‌‌‌

পরমগীত 4:7

মর্ পরাণি, তঅ কিয়্যেগানর্ বেক্কানি দোল্, তঅ ভিদিরে কনঅ টেপ্‌পোজ্যে নেই।

পরমগীত 4:9

মর্ পরাণি, মর্ বৌবো, তুই মঅ মনান্ চুর্ গোজ্যস্; তর্ এক চোগো ইজিরেলোই, তঅ নেগেলেজর্ এক্কো মানেক্কোই তুই মঅ মনান্ চুর্ গুরি নেযেয়োচ্।

পরমগীত 5:11

তা মাঢাবো খাটি সোনা ধোক্ক্যেন্, তা চুলান্ সাগর তুবোল ধোক্ক্যেন্ আর সাড়াল্যে কবা ধোক্ক্যেন্ কালা;

পরমগীত 5:6

মঅ পরাণ্যেত্তে মুই দোরান্ খুলিলুং, মাত্তর্ মঅ পরাণ্যে ন-এলঅ, যেয়েগোই। তে যেক্কে কধা কোইয়্যে সেক্কে দুঘে মঅ মনান্ গুলি যেইয়্যে। মুই তারে তোগেলুং, মাত্তর্ ন-পেলুং; মুই তারে ডাগিলুং, মাত্তর্ তে শমক্ ন-দিলো।

পরমগীত 6:9

মাত্তর্ মঅ কবো, মর্ খাটি মান্‌‌জ্য ধোক্ক্যেন্ আর কনজন নেই। তে তার্ মাবোর্ বানা এক্কো ঝি, তে তারে পেদত্ ধোজ্যে তা কোচ্‌‌পানার্ ঝি। মিলেগুনে তারে দেগিনে বর্ পেইয়্যে কলাক্ আর রাণীগুনে আহ্ লাঙোনিগুনে তারে বাঈনী গুরিলাক্।

পরমগীত 7:9

আর তঅ মুয়োন্ ওক্ বেগত্তুন্ গম্ আংগুর-রস। সেই আংগুর-রস্‌চান সোজাগুরি মঅ পরাণ্যের্ গত্তনাবোত্ লামি যোক্, ‌‌‌ যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি আংগুর-রস সহজে যায়।

পরমগীত 8:7

বান পানিগানেয়ো কোচ্‌পানাগানরে আক্‌সোই ন-পারে; বেক্ গাঙ পানিয়েয়ো ন-পারে সিয়েনরে ভাজেই নিবাত্তে। কোচ্‌‍পানাত্তে যুনি কনজনে তার্ বেক্কানিয়ো দি দে সালে সিয়েন্ অবঅ অমকদ কম্। ‌‍

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

যিশাইয় 52:14

তা চেঙারাগান আর কিয়্যেগান এদক্ বিশ্রী গুরি দিয়্যে অবঅ, সিয়েন আর কনঅ মান্‌জ্য ধোক্ক্যেন ন-থেবঅ; সেনত্তে ভালোকজনে তারে দেগিলে আমক্ অবাক্।

দানিয়েল 8:18

তে যেক্কেনে মঅ লগে কধা কর্ সেক্কে মুই মাঢা নিগিজ্যে অবস্থায় অজ্ঞান ওই পড়ি গেলুং। তে মরে ধুরিনে টেঙোই ভর্ দিইনে থিয়্যেবাত্তে দিলো।

সখরিয় 4:1

সে পরেদি যে স্বর্গদূত্তো মঅ লগে কধা কোইয়্যে তে ফিরি এলঅ আর ঘুমোত্তুন্ জাগাইদ্যে ধোক্ক্যেন গুরি মরে জাগেল।

মথি লেখ্যে গম্ হবর্ 7:8

যিগুনে চান্ তারা পত্তিজনে পান্; যে তগায় তে পায়; আর যে দোরানত্ বাজ্জ্যেই তাত্তে দোরান্ খুলো অয়।

মথি লেখ্যে গম্ হবর্ 8:17

ইয়েনি বেক্কানি ঘুদিলো যেন ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পূরোণ অয়: তে আমার্ বেক্ বল্‌পোজ্যেগানি তুলি নিলো, আর আমা পীড়েগানি গম্ গুরিলো।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

লূকে লেখ্যে গম্ হবর্ 9:32

পিতর আর তা সমাজ্যেগুনে সে অক্তত্ অমকদ ঘুম্ যাদন্। তারা জাগি উদিনে যীশুর মহিমাগান্ দেগিলাক্ আর তা সমারে থিয়্যেইয়্যে সেই দ্বিজন্ মান্‌জ্যরেয়ো দেগিলাক্।

যোহন 10:4

তা নিজোর্ বেক্‌ ভেড়াগুন্ নিগিলেবার্ পরেদি তে সিগুনোর্ আগে আগে যায়, আর ভেড়াগুন্ তা পিজে পিজে যান্ কিয়া সিগুনে তা ডাগনিগান্ হবর্ পান্।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।

ফগদাং পেইয়্যে 3:4

মাত্তর্ সার্দিত তর্ এন্ কয়েক্কো মানুচ্‌ আঘন যিগুনে তারার্ কাবর-চুগোর্, অত্তাৎ চালচলনান্ কাজর্ ন-গরন্। তারা যগাজ্জ্যে মানুচ্‌ বিলিনে ধুব্ কাবর পিনিনে মঅ সমারে আঢাউদো গুরিবাক্।