পরমগীত 5:15 - Chakma Bible

¹⁵ তা উলুহুলুন্ দ্বিবে যেন খাটি সোনা খুদো উগুরে বোজেয়্যে মার্বেল পাত্তরর্ খুদো। তা কিয়্যেগান্ লেবাননর্ অজল্ মুড়োবো ধোক্ক্যেন্, লেবাননর্ বেঈ লোইয়্যে এরস গাজ ধোক্ক্যেন্ জোগ্‌‌‌‌‌‌যোক্যে।

পরমগীত 5:15 ပူးပေါင်းရင်းမြစ်များ

১ রাজাবলী 4:33

তে লেবাননর এরস গাজত্তুন্‌ আরাম্ভ গুরিনে দেবাল কিয়্যেত্তুন্‌ উঠ্যে হিস্যোপ গাজ সং বেক্‌ গাজছুনোর্‌ কধা কোইয়্যে। তে য়েমান, পেখ্‌, বুগকোই-আদি বেড়েইয়্যে প্রাণী আর মাছ কধা কোইয়্যে।

গীতসংহিতা 80:10

সিয়েনর ছাবালোই মুড়ো-মুড়ি ঢাগা গেলঅ; সিয়েনর ডেলাগুন দাঙর্ দাঙর্ এরস গাজ্‌ছুনোরে ঢাগি ফেলেল।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

যাত্রা 26:19

সেই‌ ফ্রেমানির পত্তি পায়্যের্‌ তলে বোজেবাত্তে চোল্লিশ্‌ছুয়ো রূবোর্‌ টেং-থগ্ বানেই লবা-পত্তি ফ্রেমর দ্বিবে গুরি, অত্তাৎ পত্তি পায়্যেত্তে এক্কো গুরি।

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

পরমগীত 4:11

মর্ বৌবো, তঅ ঠুট্‌তোত্তুন্ ফুদো ফুদো মধু ঝরে। তঅ জিলান তলে আগেদে দুধ আর মধু; তঅ কাবড় বাজ্‌ছান লেবানন ঝারর্ তুম্বাজ ধোক্ক্যেন্। ‌

পরমগীত 7:4

এদো দাদর্ অজল্ চুগিদার-ঘর ধোক্ক্যেন্ তঅ গত্তনাবো, তর্ চোগ্ দ্বিবে বৎ-রব্বীমর গেদো ইদু হিষ্‌বোনর্ পুয়োরুনো ধোক্ক্যেন্। তঅ নাগ্‌‌কো যেন দামেস্ক ইন্দি মু লেবাননর্ অজল্ চুগিদার-ঘর।

আবিলেচ্ 4:7

তারার্ বেঈ লোইয়্যে নেতাগুনে এলাক্ তুষারত্তুন্‌অ বেশ্ জোল্‌জোল্যে, দুধোত্তুন্‌অ বেশ্ ধুব্ এলাক্; তারার্ কিয়্যেগানি প্রবাল পাত্তরত্তুন্‌অ বেশ্ রাঙা এলঅ আর চেঙেরা এলদে নীলকান্তমণি ধোক্ক্যেন্।

যিহিষ্কেল 17:23

ইস্রায়েলর অজল্ মুড়ো উগুরেত্তুন্ ডেলা নিগিলিনে ফল ধুরিবাক্; সিবে এক্কো বেগত্তুন দোল্ এরস গাজ্ ওই উদিবো। নানান্ বাবোত্যে পেগ্ তা ডেলাগুনো ভিদিরে ঘর্ বানেবাক্ আর তা ছাবাত্ বজত্তি গুরিবাক্।

যিহিষ্কেল 31:8

গোজেনর বাগান এরস গাজ্‌চুনেয়ো তা সমারে পাল্লা দি ন-পারিদাক্। বেরস গাজর্ ডেলাগুন্‌অ তার দাঙর্ দাঙর্ ডেলাগুনো সং ন-এলাক্; তার ডেলাগুনোর লগে আর্মোণ গাজর্ তুলনা ন-অদঅ। আজল্ কধা, গোজেনর বাগান কনঅ গাজ দোলদি তার সং সং ন-এলাক্।

হোশেয় 14:7

যিগুনে তার্ ছাবাত্ বজত্তি গুরিবাক তারা বোউত্ খেত্-খেত্তি ফোলেবাক্। তারা আংগুর-লুদি ধোক্ক্যেন ফুলে-ফলে ভুরি যেবাক্ আর লেবানন আংগুর-রস ধোক্ক্যেন তারার্ সুনাঙ্ অবঅ।

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

মথি লেখ্যে গম্ হবর্ 28:3

তা চেঙেরাগান্ কারেন ধোক্ক্যেন্ এলঅ আর তা কাবড়-চুগোড়ানি তুলো ধোক্ক্যেন্ ধুব্ এলঅ।

প্রেরিত্‌ 2:28

জিংকানির পথ্‌‌তান্ তুই মরে জানেয়োচ্; তইধু থানা মানে হুজিয়্যে ভরা।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

বিচের গুরিয়্যেগুন 13:6

মিলেবো সেক্কে তার নেক্কো ইদু যেইনে কলঅ, “গোজেনর্‌ এক্কো মানুচ্‌ মইদু এচ্চ্যে। গোজেনর্‌ দূদো ধোক্কেন্‌ তা চেঙেরাগান, তারে দেগিলে অমহদ দর্‌ গরে। তে কুত্তুন্‌ এচ্চ্যে সিয়েন মুই তারে পুযোর্‌ ন-গরং আর তেইয়ো তা নাঙান্‌ মরে ন-কয়।