পরমগীত 5:13 - Chakma Bible

¹³ তা গাল্ দ্বিয়েন যেন তুম্বাজ মজলার্ বিজিতলা, যিয়েনত্তুন্ তুম্বাজ্ নিগিলের্। তা ঠুট্‌‌তুন দ্বিবে যেন তুম্বাজ রসে ঝুরি যেইয়্যে লিলি ফুল।

পরমগীত 5:13 ပူးပေါင်းရင်းမြစ်များ

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

গীতসংহিতা 45:3

ও বীর, তঅ কমরত্ লাম্বা ছুড়িগান বানি নেযা; বাঈনী আর মহিমার সাজে তুই সাজি নেযা।

গীতসংহিতা 89:15

বর্‌পেইয়্যে সেই মানুচ্চুন, যিগুনে সেই হুজির রগুন চিনোন্; ও লগেপ্রভু, তারা তর্ দোয়্যের চোগেদি রিনি চানালোই পহরত্ আঢাউদো গরন্।

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

পরমগীত 1:16

মঅ পরাণ্যে, কি দোল্ তুই! অয়, তুই অমকদ দোল্। আমা বিচ্ছোনান্ পাদালোই ভরা ডেলালোই বানেয়্যে।

পরমগীত 2:1

মুই যেন শারোণর্ এক্কো গোলাপ, লাঙেলর্ লিলি ফুল।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 4:11

মর্ বৌবো, তঅ ঠুট্‌তোত্তুন্ ফুদো ফুদো মধু ঝরে। তঅ জিলান তলে আগেদে দুধ আর মধু; তঅ কাবড় বাজ্‌ছান লেবানন ঝারর্ তুম্বাজ ধোক্ক্যেন্। ‌

পরমগীত 5:5

মর্ পরাণ্যেরে দোরান্ খুলি দিবাত্তে মুই উদিলুং, মঅ আঢ্‌তান তুম্বাজ রসে ভিজে এলঅ, মঅ আঙুলুনোর্ তুম্বাজ রসর্ গঙারে দোরানর্ হেন্ডেল্লো ভিজিলো।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;