পরমগীত 4:8 - Chakma Bible

⁸ মেলা ঘরর্ মর্ বৌবো, লেবাননত্তুন্ মঅ সমারে আয়, মঅ সমারে লেবাননত্তুন্ আয়। অমানার্ মুড়ো চুক্কোত্তুন্, শনীর আর হর্মোণ মুড়োবোর্ উগুরেত্তুন্, সিংহ গাদত্তুন্, হোক্যে বাঘর্ মুড়োমুড়ি থেবার্ জাগানত্তুন্ তুই লামি আয়।

পরমগীত 4:8 ပူးပေါင်းရင်းမြစ်များ

১ রাজাবলী 4:33

তে লেবাননর এরস গাজত্তুন্‌ আরাম্ভ গুরিনে দেবাল কিয়্যেত্তুন্‌ উঠ্যে হিস্যোপ গাজ সং বেক্‌ গাজছুনোর্‌ কধা কোইয়্যে। তে য়েমান, পেখ্‌, বুগকোই-আদি বেড়েইয়্যে প্রাণী আর মাছ কধা কোইয়্যে।

২ রাজাবলী 5:12

দামেস্কর অবানা আর পর্পর গাঙান্‌ কি ইস্রায়েলর গাঙর্‌ পানিগানিত্তুন্‌ গম্‌ নয়? সিদু গাদিনে কি মুই সিজি ওই ন-পারিদুং?” ইয়েন্‌ কোইনে তে রাগ গুরিনে ফিরি গেলঅ।

১ বংশধর 5:23

মনঃশি-গুট্টির অদ্দেক্‌ মানুচ্‌ বাশনত্তুন্‌ বাল-হর্মোণ, সনীর আর হর্মোণ মুড়োবো সং যে জাগায়ানি এলঅ সিদু বজত্তি গরা ধুরিলাক্‌। তারা জনেদি বালুক্কুন্‌ এলাক্‌।

গীতসংহিতা 45:10

ও মিলেবো, শুন, মনান্ দে, কান পাদ। তঅ মানুচ্চুনোরে তুই ভুলি যাহ্, ভুলি যাহ্ তঅ বাবর্ ঘর কধানি।

গীতসংহিতা 72:16

দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

গীতসংহিতা 76:1

যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্।

গীতসংহিতা 76:4

তুই পহ্‌রে কেজান জোল্‌জোল্যে! শিগেরে ভরা মুড়োবোত্তুন তর্ ফিরি এজানা কেধোক্ক্যেন্ মহিমালোই ভরা!

গীতসংহিতা 89:12

উত্তোর দোগিণ তরই বানেয়্যে; তাবোর আর হর্মোণ মুড়োগুনে তরে নিইনে হুজির গীদ্ গান।

গম্ উপদেজ্ 9:6

তুই ভুল্ মানুচ্চুনো লগে মিজেনা বাদ দে, সেক্কে তুই বাঁজিবে; তুই বিচেরবুদ্ধির্ পধেদি আঢাউদো গর্।”

পরমগীত 2:13

ডোমোর্ গাজত্ ফল ধরানা আরাম্ভ ওইয়্যে; আংগুর লুদিত্ ফুল ধুরিনে তুম্বাজ্ নিগিলের্। মঅ পরাণি, উঠ্, আয়; মর্ দোল্‌বি, আয় মঅ সমারে।”

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 7:11

মর্ পরাণ্যে, আঢিচ্, আমি মাঢত্ যেই, মেহেদী ঝুবো ভিদিরে যেইনে রেত্তো কাদেই।

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিহিষ্কেল 27:5

সনীর চাগালার বেরস গাজত্তুন্ তারা তর্ বেক তক্তানি বানেয়োন; তর্ জাহাজ পাল খুদোবো বানেবাত্তে তারা লেবাননত্তুন্ এরস গাজ্ আন্যন্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

দ্বি’লম্বর বিররণ 3:25

যর্দন পার্‌ ওই যেইনে সেই অমহদ দোল্‌ দেজ্‌ছান, অত্তাৎ সে মুড়োমুড়ির্‌ দেজ্‌ছান আর লেবাননান মরে চেবাত্তে দে।

দ্বি’লম্বর বিররণ 3:9

সীদোনীয়গুনে হর্মোণরে সিরিয়োণ বিলি কন্‌ আর ইমোরীয়গুনে কন্দে সনীর।

যিহোশূয় 12:1

অরাবা সং জাগানর পুরো পূগেদি ভাক্কান্‌ অর্ণোন কিজিঙোত্তুন্‌ হর্মোণ মুড়োবো সং যর্দন গাঙর্‌ পূগেদি ইমোরীয়গুনোর রাজা সীহোন আর বাশনর রাজা ওগরে ইস্রায়েলীয়গুনে ওদেই দিইনে তারার্‌ চাগালাগানি গজক্ গুরি নেযেয়োন্‌।