পরমগীত 4:4 - Chakma Bible

⁴ তঅ গত্তনাবো যেন দায়ূদোর অজল চুগিদার-ঘর ধোক্ক্যেন্ লাম্বা; সিয়েনত্ দুলি দুলি আগেদে এক আজারান্ ঢাল্, সিয়েনি বেক্কানি যুদ্ধোগুরিয়্যেগুনোর্।

পরমগীত 4:4 ပူးပေါင်းရင်းမြစ်များ

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

২ শমূয়েল 22:51

লগেপ্রভু তা রাজাবোরে ভালোক্‌বার্ দাঙর্ জিদেনাগান্ দান গোজ্যে; অয়, তার অভিষেগ্ গোজ্যে মানুচ্চুনো উগুরে, দায়ূদ আর তা গুট্টিগুনো উগুরে, তে জিংকানিবর্‌ তার ন-পুরেইয়্যে কোচ্‌পানা দেগায়।

নহিমিয় 3:19

সে পরেন্দি ভাগ্‌কান, অত্তাৎ মিস্পার শাজন্‌গুরিয়্যে যেশূয়োর পূঅ এসর আত্যের্‌ রাগেবার ঘরত্‌ উদিবার্‌ পধ মুজুঙোন্দি জাগানত্তুন্‌ দেবালর টেক্কো সং ঠিগ্‌ গুরিলো।

গীতসংহিতা 144:12

আমা পুয়োগুন হার্‌গোজ্যে বয়জত্ যেন গাজ চারা ধোক্ক্যেন্ উদোন্, আর আমা ঝি-গুনে যেন রাজঘরর্ ছাজিনে বানেয়্যে খুদো ধোক্ক্যেন অন।

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

পরমগীত 7:4

এদো দাদর্ অজল্ চুগিদার-ঘর ধোক্ক্যেন্ তঅ গত্তনাবো, তর্ চোগ্ দ্বিবে বৎ-রব্বীমর গেদো ইদু হিষ্‌বোনর্ পুয়োরুনো ধোক্ক্যেন্। তঅ নাগ্‌‌কো যেন দামেস্ক ইন্দি মু লেবাননর্ অজল্ চুগিদার-ঘর।

পরমগীত 7:5

তঅ কিয়্যেগান্ উগুরে তঅ মাঢাবো কর্মিল মুড়োবো ধোক্ক্যেন্; জোক্‌জোক্যে নরম কাবড় ধোক্ক্যেন্ তঅ চুলান্; সেই চুল যুদোবোলোই রাজা বন্দী ওই আঘে। ‌‌‌

পরমগীত 8:10

মুই দঅ এক্কান্ দেবাল্, আর মর্ বুগ্‌‍‍ দ্বিবে অজল্ চুগিদার-ঘর ধোক্ক্যেন্। মুই তা চোগেদি সেধোক্ক্যেন্ অলুং‌‍‍ যিয়েন্ ঈল্ ফুদোনাগান্ আনি পারে।

মীখা 4:8

ও ভেড়া গরগর্ চুগিদার-ঘরান, ও সিয়োন-ঝিবোর্ ঘরান, আগ রেজ্যগান তইধু ফিরেই দিয়্যে অবঅ; রাজা আরঅ যিরূশালেমত্ রাজাগিরি গুরিবো।”

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।