পরমগীত 2:7 - Chakma Bible

⁷ ও যিরূশালেমর্ মিলেগুন্, মুই চুন্নু উরিং আর মাঢ ভোলি উরিঙুনো নাঙে কোজোলি গুরিনে কঙর্, তুমি কোচ্‌‌‌‌‌‌‌পানাগানরে ন-জাগেয়ো বা উত্তেজিত ন-গোজ্জ্য যেদক্কন্ সং তার যগাজ্যে সময় ন-অয়। ‌‌‌‌‌‌‌

পরমগীত 2:7 ပူးပေါင်းရင်းမြစ်များ

পত্থম 49:21

নপ্তালি যেন খুলোমেলা গুরি বেড়েয়্যে ফারি উরিং; তা মুয়োনত্‌ আঘে দোল্‌ দোল্‌ কধা।

গীতসংহিতা 18:33

তে মরে উরিঙো ধোক্ক্যেন্ গুরি ফাল্যে ফাল্যে যেবার বলান্ দিয়্যে; অজল্ অজল্ জাগাত্ তে মরে থিয়্যেই রাগেয়্যে।

গম্ উপদেজ্ 5:19

সেই কোচ্‌পেইয়্যে মিলেবো, অমকদ দোল্ মিলেবো; তা বুক্কো তরে নিত্য হুজি রাগোক্, তুই নিত্য তা কোচ্‌পানালোই মিলেমিলি গুরি থেচ্।

গম্ উপদেজ্ 6:5

শিগেরী আঢত্তুন্ উরিঙো ধোক্ক্যেন্ গুরি, পেগো শিগেরীত্তুন পেগো ধোক্ক্যেন্ গুরি তুই নিজোরে ছাড়েই নেযা।

পরমগীত 1:5

ও যিরূশালেমর্ মিলেগুন্, মুই কেদর তাম্বুলো ধোক্ক্যেন্ কালা মাত্তর্ শলোমন তাম্বুলো পর্দাগান ধোক্ক্যেন্ দোল্।

পরমগীত 2:17

ও মর্ পরাণ্যে, তুই ফিরি আয়; যেদক্কন্ সং বেন্যে পহ্‌র ন-অয় আর আন্ধারান্ ন-যায় সেদক্কন্ তুই থাক্। অজল্ মুড়োবো উগুরে তুই কৃষ্ণসার ‌ বা উরিঙো ছঅ ধোক্ক্যেন্ অ।

পরমগীত 2:9

মর্ পরাণ্যে যেন কৃষ্ণসার বা উরিঙো ছঅ ধোক্ক্যেন্। উই চাহ্, তে আমা দেবাল পিজেদি থিয়্যেই আঘে, তে জানালাদি রিনি চাহ্‌‌‌‌‌‌‌‌র, ‌ জালি ভিদিরেদি ইজিরে দের্। ‌‌‌‌‌‌‌

পরমগীত 3:5

ও যিরূশালেমর্ মিলেগুন্, মুই চুন্নু উরিং আর মাঢ পাড়ি উরিঙুনোর্ নাঙে কোজোলী গুরিনে কঙর্, তুমি কোচ্‌‌‌‌‌‌পানাগানরে ন-জাগেয়ো বা উচ্চোমি তুলি ন-দুয়ো যেদক্কন্ সং তার্ যগাজ্যে সময় ন-অয়।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 8:14

মর্ পরাণ্যে, আঢি আয়; তুম্বাজ্ মজলা-ভরা মুড়ো উগুরে তুই চুন্নু উরিঙো ধোক্ক্যেন্ অ বা উরিঙো ছঅ ধোক্ক্যেন্।

পরমগীত 8:4

ও যিরূশালেমর্ মিলেগুন, মুই তমারে কোজোলি গুরিনে কঙর্, তুমি কোচ্‌পানাগানরে ন-জাগেয়ো বা উচ্চোমি তুলি ন-দুয়ো যেদক্কন্ সং তার্ যগাজ্যে সময় ন-অয়। ‌‌‌‌‌‌‌

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।

মথি লেখ্যে গম্ হবর্ 26:63

মাত্তর্ যীশু অলর্ গুরি থেলঅ। দাঙর্ ধর্মগুরুবো আরঅ তারে কলঅ, “তুই জেদা গোজেনর্ নাঙে শমক্ হেইনে আমারে কঅ, তুই কি সেই মশীহ, অত্তাৎ গোজেনর্ পুয়ো না হি।”