পরমগীত 2:4 - Chakma Bible

⁴ তে মরে হানা ঘরত্ নেযেল, আর বাবতা টাঙাইদ্যে ধোক্ক্যেন্ গুরিনে মঅ উগুরে তা কোচ্‌পানাগান ফগদাং গুরিলুং।

পরমগীত 2:4 ပူးပေါင်းရင်းမြစ်များ

ইষ্টের 7:7

রাজা রাগে আংগুর-রস্‌চান্ থোইনে উদিলো আর নিগিলিনে রাজঘরর্‌ বাগানত্‌ গেলঅ। রাজা হামনর ভাগ্যগান ঠিগ্‌ গুরি ফেলেয়্যে বুঝিনে তে রাণী ইষ্টের ইদু পরাণান ভিক্ষ্যে চেবাত্তে সিয়েনত্‌ থেলঅ।

ইয়োব 1:10

তুই কি তা চেরোকিত্তে আর তা ঘরর্‌ আর তার্‌ যিয়েনি আঘে সিয়েনির্‌ চেরোকিত্তে ঘিরিনে ন-রাগাজ্‌? তুই দঅ তা কামত্‌ বর্‌ দুয়োজ্‌, সেনত্তেই তার্ এ্যমানপাল্লোই দেজ্‌ছান ভুরি যেইয়্যেগোই।

গীতসংহিতা 20:5

তর্ জিদেনালোই আমি যেন হুজি ওই আর আমা গোজেন নাঙে বাবতা উড়েই। লগেপ্রভু তর্ বেক্ তবনাগানি গ্রাজ্য গোরোক্।

গীতসংহিতা 60:4

যিগুনে তরে ভোক্তি গরন্ তারারে তুই এক্কান বাবতা দুয়োচ্, যেনে সিয়েন তুলিলে ধরা যায় সত্যর্ পক্কে।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

পরমগীত 1:1

ইবে বেগত্তুন্ দোল্ গান। এ গান্নো শলোমনর্।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 6:4

মর্ পরাণি, তুই তির্সা শঅর ধোক্ক্যেন্ দোল্, যিরূশালেম ধোক্ক্যেন্ অমকদ দোল্; বাবতা উড়েয়্যে সৈন্যদল ধোক্ক্যেন্ তর্ সয়সাগজ্যে।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।