পরমগীত 2:16 - Chakma Bible

¹⁶ মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

পরমগীত 2:16 ပူးပေါင်းရင်းမြစ်များ

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

পরমগীত 1:7

ও মর্ পরাণান্, তুই মরে কঅ, কুদু তঅ ভেড়া পালুন্ তুই চড়া? তঅ ভেড়াগুনোরে দ্বিবুজ্যে কুদু জিরেবাত্তে দুয়োজ্? তঅ সমাজ্যে গরক্কুনোর্ ভেড়া পালুনো ইদু কিত্তে মুই ঘঙদা দিয়্যে বেশ্যে ধোক্ক্যেন্ যেম্?

পরমগীত 2:1

মুই যেন শারোণর্ এক্কো গোলাপ, লাঙেলর্ লিলি ফুল।

পরমগীত 4:5

তর্ বুক্ দ্বিবে যেন লিলি ফুলোর্ ঝারত্ বেড়েয়্যে চুন্নু উরিঙোর্ জামা ছঅ।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

পরমগীত 6:3

মুই মর্ পরাণ্যের্ আর তে মত্তে, তে লিলি ফুলো ঝারত্ চরে।

পরমগীত 7:10

মুই মর্ পরাণ্যের্, তা কামনা-বাসনাগান্ মত্তেই।

পরমগীত 7:11

মর্ পরাণ্যে, আঢিচ্, আমি মাঢত্ যেই, মেহেদী ঝুবো ভিদিরে যেইনে রেত্তো কাদেই।

পরমগীত 7:13

দূদাফলুনে তা তুম্বাজ্‌ছান ছিদি দেদন্; তাজা আর পাগানা নানান্ বাবোত্যে গম্ গম্ ফল আমা দোরান কায়-কুরে আগন্। মর্ পরাণ্যে, মুই তত্তেই ইয়েনি রাগেয়োং।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।