রূত 3:9 - Chakma Bible

⁹ তে তারে পুজোর গুরিলো, “কন্না তুই?” রূতে কলঅ, “মুই তর্‌ চাগরানি রূত। তুই তঅ কাবড় তলে তর্‌ এই চাগরানিবোরে আশ্রয় দে, কিত্যে তুই মর্‌ কাম ভারান্ লোইয়্যে কুদুম্মোগুনো ভিদিরেত্তুন এক্কো।”

রূত 3:9 ပူးပေါင်းရင်းမြစ်များ

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

রূত 2:20

এই কধাগান শুনিনে নয়মী তার পূদঅবোবোরে কলঅ, “লগেপ্রভু, যিবে জেদা বা মরা কারঅ উগুরে অবিশ্বেজী ন-অয় তে তারে বর্ দুয়োক্।” তে আরঅ কলঅ, “উই মানুচ্চো আমার সদর্‌ কুদুম্মো। যে কুদুম্মোগুনো উগুরে মঅ নেক্কোর বেক্কানি ছাড়ি নেযেবার আর রোক্ষ্যে গুরিবার কাম ভারান্ রোইয়্যে তে তারা ভিদিরে এক্কো।”

রূত 3:10

জোবত্‌ বোয়সে কলঅ, “লগেপ্রভুর তরে আশিদ্‌বাদ গোরোক। এদকদিন সং তুই যে বিশ্বেজ্‌চান্ দেগেয়োচ্‌ তাত্তুন বেশ্‌ এবেরা আরঅ বেশ্‌ বিশ্বেজ্ দেগেলে, কিত্যে থাগোয়্যে-নাদা কনঅ গাবুজ্যের্ পিজেন্দি তুই ন-যাচ্‌।

রূত 3:12

মুই তর্‌ কাম ভারান লোইয়্যে কুদুম্মোগুনোর একজন ঠিগ্, মাত্তর্‌ মত্তুন্‌ বেশ্‌ সদর্‌ কুদুম্মো আর একজন আঘে।

রূত 3:8

রেত্‌সম্বাগত্‌ বোয়সে অদাদৎ উগুরি উদিনে আর এককিত্তেন্দি ফিরিলো। তে দেগিলোদে এক্কো মিলে তা টেঙ কুরে পড়ি আঘে।

রূত 4:4

সেনত্তেই মুই চিন্তে গুরিলুং বেপারান তরে কনা দরকার্। ইয়েনত্‌ এচ্চ্যে মানুচ্চুনো মুজুঙোত্ আর মর্‌ কুদুম্মোর্ বুড়ো মুরুব্বীগুনো মুজুঙোত্‌ তুয়ই সিয়েন কিনি লঅ। তুই যুনি ভূইয়ান ছাড়েইনে নিবাত্তে চাজ্‌ সালে নেযা। মাত্তর্‌ তুই যুনি সিয়েন ন-চাজ্‌ সালে মরে কঅ, কিত্যেই সিয়েন ছাড়েই নেযেবার অধিকার পত্তমে তর্‌, আর তর্‌ পরেন্দি মর্‌।” সেক্কে সেই কুদুম্মোবো কলঅ, “ঠিগ্ আঘে, মুয়ই সিয়েন ছাড়েই নেযেম।”

রূত 4:6

এই কধাগান শুনিনে সেই কুদুম্মোবো কলঅ, “মুই সিয়েন গুরি ন-পারিম, কিত্যে মর্‌ নিজোর সোম্বোত্তিলোই সেক্কে মুই দযাত্ পুরিম। মুই যেক্কে সিয়েন ছাড়ি নেযেই ন-পারঙর্‌ সেক্কে তুয়ই নেযা।”

১ শমূয়েল 25:41

এ কধাগান শুনিনে অবীগলে মাদিত্‌ মাদা নিগিরি পড়িনে দায়ূদোর নাঙে কলঅ, “মুই তর্‌ চাগরানী; তর্‌ চাগরুনোরে সেবা গুরিবাত্তে আর টেং ধবাত্তে মুই যুক্কোল্‌ আগং।”