রূত 3:7 - Chakma Bible

⁷ হানা-দানার পরেন্দি বোয়সর মনান্‌ যেক্কে খুজি অলঅ সেক্কে তে থুবেই-রাগেয়্যে শোজ্যর এক কিত্তেন্দি যেইনে ঘুমোত্‌ পুরিলো। রূতে চুবে চুবে যেইনে তা টেঙ উগুরেত্তুন কাবড়ান্‌ সোরেইনে সিয়োত্‌ ঘুমোত্‌ পুরিলো।

রূত 3:7 ပူးပေါင်းရင်းမြစ်များ

পত্থম 43:34

যোষেফে তার্‌ নিজো টেবিলোত্তুন্‌ কিজু হানা ভেইয়ুনোরে দিবার্‌ বেবস্থা গুরিলো। অন্য যে কনঅ ভেইয়োত্তুন্‌ বিন্যামীনোরে পাজ্‌গুন্‌ বেজ্ দিয়্যে অলঅ। এবাবোত্যেগুরি তারা যোষেফ লগে হানা-বীনে গুরিলাক্। বেজগুরি আংগুর্‌ রস্‌ হেইনে তারা হুজি অলাক্।

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ রাজাবলী 21:7

সেক্কে তা মোক্কো ঈষেবলে তারে কলঅ, “তুই ইস্রায়েলর রাজা নয়? উঠ্‌, হানা-দানা গর্‌, হুজী অ। যিষ্রিয়েলীয় নাবোতর আংগুর ক্ষেদ্‌তান্‌ মুই তরে দিম্‌।”

ইষ্টের 1:10

সাত দিনোত্‌ রাজা অহশ্বেরশে আংগুর-রস হেইনে অমকদ হুজি ওই উদিলো আর মহূমন, বিস্থা, হর্বোণা, বিগ্‌থা, অবগথ, সেথর আর কর্কস নাঙে তার্‌ সাতজন সেবাগুরিয়্যেরে উগুম্‌ দিলো যেনে রাণী বষ্টীরে রাজমুকুট পিনেইনে তা মুজুঙোত্‌ আনা অয়। রাণী চাদে দোল এলঅ বিলিনে রাজা মানুচ্চুনোর্‌ আর দাঙর্‌ পোজিশনর্‌ কামগুরিয়্যেগুনোর্‌ মুজুঙোত্‌ তার্‌ দোলান্‌ দেগেবাত্তে চেইয়্যে।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

উপদেশক 10:19

আজিহুজিত্তে হানার্ যুক্কোল্ গরা অয়; আংগুর-রস্‌চানে জিংকানিত্ হুজি আনে; টেঙা-পোজে বেক্কানি যুগেই দে।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 8:15

সেনত্তে মুই জিংকানিত্ রঙ্গ-ফুত্তিত্ বাঈনী গোজ্যং, কিত্তে বেলান তলেদি হানা-দানা আর ফুত্তি গরানা বাদে মান্‌জ্যত্তে গম্ আর কিচ্চু নেই। সালে বেলান তলেদি গোজেনর্ দিয়্যে মান্‌জ্য জিংকানির্ বেক্ দিনুনোত্ তা কামত্ ফুত্তিগান্ অবদে তার্ সমাজ্যে।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

বিচের গুরিয়্যেগুন 16:25

পরেন্দি তারা হুজি ওই উদিনে ইয়েন কোইনে জগার্‌ পারিলাক, “শিম্‌শোনরে নিগিলেনে আনা ওক্‌; আমি তামাজা চেবং।” সেনত্তেই তারা হ্‌জদত্তুন্‌ শিম্‌শোনরে নিগিলেই আনিলাক্‌ আহ্‌ শিম্‌শোনে তারারে তামাজা দেগা ধুরিলো। তারা শিম্‌শোনরে খুদোগুনোর সংমোধ্যে থিয়্যেই রাগেলাক্‌।

বিচের গুরিয়্যেগুন 19:22

ইঙিরিনে যেক্কে তারা সুন্‌যুগ্‌ গুরিনে সময় কাদাদন্‌ সেক্কে শঅরর্‌ কয়েক্কো বজং মানুচ্‌ এইনে ঘরান্‌ ঘিরিলাক্‌। তারা দোরানত্‌ লাদি মারদে মারদে ঘরঅ গিরোজ্‌সো সে বুড়ো মানুচ্চোরে কলাক্‌, “যে মানুচ্চো তঅ ঘরত্‌ এচ্চ্যে তারে নিগিলেই দে। আমি তা লগে সিনেলী গুরিবোং।”

বিচের গুরিয়্যেগুন 19:6

সেনত্তেই তারা দ্বিজনে হানা-দানা গুরিবাত্তে বুঝিলাক্‌। মিলেবোর বাপ্পো কলঅ, “এচ্চ্যে রেত্তো থাগঅ আর এক্কেনা রঙ্গ-ফুর্তি গরঅ।”

বিচের গুরিয়্যেগুন 19:9

সে পরেন্দি যেক্কে সে মানুচ্চো তা দ্বিতীয় ঘরর্‌ মোক্কোরে আর গাবুরবোরে লোইনে যেবাত্তে যুক্কোল্‌ অলঅ সেক্কে তা শোর্‌বো কলঅ, “চঅ, ইক্কুনি পেরায়্‌ সাজোন্যে ওই যেইয়্যে, রেত্তো ইদু কাদঅ; বেল্যমাদন্ দঅ পেরায়্‌ ডুবেল্লোই। ইদু থাগঅ আর রঙ্গ-ফুর্তি গরঅ। কেল্যে বেন্যেপোত্যে উদিনে তমা ঘরর্‌ পদেন্দি আঢা মাজ্য।”

রূত 3:6

যেরেদি তে খামারত্‌ যেইনে তা শুড়ীবো তারে যিয়েনি গুরিবাত্তে কোইয়্যে সিয়েনি বেক্কানি গুরিলো।

রূত 3:8

রেত্‌সম্বাগত্‌ বোয়সে অদাদৎ উগুরি উদিনে আর এককিত্তেন্দি ফিরিলো। তে দেগিলোদে এক্কো মিলে তা টেঙ কুরে পড়ি আঘে।