রূত 3:10 - Chakma Bible

¹⁰ জোবত্‌ বোয়সে কলঅ, “লগেপ্রভুর তরে আশিদ্‌বাদ গোরোক। এদকদিন সং তুই যে বিশ্বেজ্‌চান্ দেগেয়োচ্‌ তাত্তুন বেশ্‌ এবেরা আরঅ বেশ্‌ বিশ্বেজ্ দেগেলে, কিত্যে থাগোয়্যে-নাদা কনঅ গাবুজ্যের্ পিজেন্দি তুই ন-যাচ্‌।

রূত 3:10 ပူးပေါင်းရင်းမြစ်များ

পত্থম 24:31

লাবনে তারে কলঅ, “ও লগেপ্রভুর্‌ বর্‌ পেইয়্যে মানুচ্চো, আয়। কিত্তে বারেন্দি ঠিয়্যেই আগচ্‌? মুই তত্তে ঘর আর উট্‌তুনোত্তে জাগা ঠিগ্ গুরি এচ্চোং।”

রূত 1:8

পরেন্দি নয়মী তার দ্বিবে পূদবোরে কলঅ‌, “তুমি যার্‌ যার্‌ মাগুনোর ঘরত্‌ ফিরি যঅ‌। তুমি যেধোক্ক্যেন্‌ তমা মোজ্যেদে নেক্কুনো উগুরে আর মঅ‌ উগুরে বিশ্বেজী এলা সেধোক্ক্যেন্‌ লগেপ্রভুয়ো যেনে তমা উগুরে বিশ্বেজী থায়।

রূত 2:11

সেনে বোয়সে কলদে, “তঅ‌ নেক্কোর্‌ মরাণার পরেন্দি তুই তঅ‌ শুড়ীবোত্তে যিয়েনি গোজ্যস্‌ সিয়েনি বেক্কানি মুই শুন্যং, আর ইয়েন্‌অ শুন্যং, তঅ‌ মা-বাপ্‌পুন আর জর্ম ওইয়্যে জাগায়ান ছাড়িনে তর্‌ অজানা এক্কো জাদঅ‌ ভিদিরে তুই বজত্তি গুরিবাত্তে এচ্ছোস্‌।

রূত 2:20

এই কধাগান শুনিনে নয়মী তার পূদঅবোবোরে কলঅ, “লগেপ্রভু, যিবে জেদা বা মরা কারঅ উগুরে অবিশ্বেজী ন-অয় তে তারে বর্ দুয়োক্।” তে আরঅ কলঅ, “উই মানুচ্চো আমার সদর্‌ কুদুম্মো। যে কুদুম্মোগুনো উগুরে মঅ নেক্কোর বেক্কানি ছাড়ি নেযেবার আর রোক্ষ্যে গুরিবার কাম ভারান্ রোইয়্যে তে তারা ভিদিরে এক্কো।”

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

রূত 3:9

তে তারে পুজোর গুরিলো, “কন্না তুই?” রূতে কলঅ, “মুই তর্‌ চাগরানি রূত। তুই তঅ কাবড় তলে তর্‌ এই চাগরানিবোরে আশ্রয় দে, কিত্যে তুই মর্‌ কাম ভারান্ লোইয়্যে কুদুম্মোগুনো ভিদিরেত্তুন এক্কো।”

১ শমূয়েল 15:13

শমূয়েলে সেক্কে শৌল ইদু গেলঅ। শৌল তারে কলঅ, “লগেপ্রভু তরে ভালেদি গোরোক্। লগেপ্রভুর উগুমান মুই পালন গোজ্যং।”