রূত 2:3 - Chakma Bible

³ সেক্কে রূতে নিগিলি গেলঅ‌ আর খেদত্‌ যেইনে যিগুনে ফসলানি কাবদন্‌ তারার পিজে পিজে শীজেগুন কুড়ো ধুরিলো; আর এন্‌ অলঅ‌, তে যিয়েনত্‌ শীজেগুন কুড়োর্‌ সিগুন্‌ অলদে ইলীমেলকর গুট্টির্‌ বোয়সর ক্ষেততান্‌।

রূত 2:3 ပူးပေါင်းရင်းမြစ်များ

২ শমূয়েল 1:6

গাবুজ্যেবো তারে কলঅ, “মুই সে অক্তত্‌ গিল্‌বোয় মুড়োবোত্‌ এলুং আর শৌল সেক্কে তা সেল্‌লো উগুরে ভর্‌ দিইনে থিয়্যেই এলঅ। সে অক্তত্‌ রথ আর ঘোড়াচালেইয়্যেগুনে পেরায়্‌ তা মাঢা উগুরে লুম্মোন্দি।

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ রাজাবলী 8:5

গেহসি যেক্কে রাজারে কোইয়্যে কেধোক্কেন্‌ গুরি ইলীশায় মরা মানুচ্চোরে যেদা গোজ্যে ঠিগ্ সে সময়ানত্‌ যে মিলেবোর্‌ পুয়োবোরে ইলীশায় মরাত্তুন্‌ জেদা গোজ্যে সে মিলেবো রাজা ইদু তা ঘরান্‌ আর ভূইয়ানি ফিরি পেবাত্তে কোজোলি গরা এচ্ছে। গেহসি সেক্কে কলঅ, “ও মর্‌ গিরোজ্‌ মহারাজ, ইবে সেই মিলেবো আর ইবে তার্‌ পুয়োবো যিবেরে ইলীশায় বাজেয়্যে।”

মথি লেখ্যে গম্ হবর্ 10:29

দ্বিবে চড়ই পেগ্ কি কম্ দামে বেজা ন-যায়? তো তমা বাপ গোজেনর্ অনুমতি বাদে তারার্ এক্কোয়ো মাদিত্ ন-পড়ে;

লূকে লেখ্যে গম্ হবর্ 10:31

পরেদি এক্কো ধর্মগুরু সে পথ্‌তানদি যার্। তে সেই মানুচ্চোরে দেগিনে এক কিত্তেদি গেলঅ।

২ থিষলনীকীয় 3:12

আমা প্রভু যীশু খ্রীষ্টর্ ওইনে আমি এবাবোত্যে মানুচ্চুনোরে উগুম আর উপদেচ্‌ দির্, তারা যেন অলর্ গুরি কাম্ গুরিনে নিজোর্ হানা নিজে জগার গরন্।

রূত 2:2

একদিন্যে মোয়াবীয় রূতে নয়মীরে কলঅ, “মুই ক্ষেদত্‌ যেইনে পড়ি-আগন্দে ধান শীজেগুন্‌ কুড়ে আনিমবোই নাহি? যে মরে মেইয়্যে গুরিনে কুড়েই নিবাত্তে দিবো মুই তা পিজে পিজে থেইম্‌।” নয়মী তারে কলঅ‌, “অয়, মা, যাহ্।”

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”