রূত 2:22 - Chakma Bible

²² সেক্কে নয়মী তা পূদঅবোবোরে কলঅ, “মা, অন্য কনঅ ক্ষেদত্‌ যেনে তরে কনজনে ভেজাল্‌ গুরি ন-পারন সেনত্তেই তার কামর্‌ মিলেগুনো লগে লগে থানা তর্‌ পক্ষে গম্‌।”

রূত 2:22 ပူးပေါင်းရင်းမြစ်များ

গম্ উপদেজ্ 27:10

নিজোর বা বাবঅ সমাজ্যেবোরে ছাড়ি ন-দুয়ো; দজাত্ পড়িলে ভেইয়ো ঘরত্ ন-যেয়ো; দূরোত্ থেইয়্যে ভেইয়োত্তুন্ কায়-কুরে পাড়াল্যেগুন্ গম্।

পরমগীত 1:8

ও বেগ দোল্ মিলেবো, তুই যুনি সিয়েন হবর্ ন-পাজ্ সালে ভেড়া পালর্ টেঙ চিহ্নোগান্ ধুরি এইনে গরক্কুনোর্ তাম্বুলানি কায়-কুরে তর্ বেক্ ছাগল ছঅগুন্ চরা।

মার্ক 14:66

পিতরে যেক্কে তলেদি উদোনত্ এলঅ সেক্কে দাঙর্ ধর্মগুরুবোর এক্কো চাগরানী সিধু এলঅ।

রূত 2:21

মোয়াবীয় রূতে কলঅ, “তে মরে আরঅ কোইয়্যেদে, তার বেক্‌ ফসলানি কাবানা থুম্ ন-অনা সং মুই যেনে তা মানুচ্চুনো সমারে থাং।”

রূত 2:23

সেনত্তেই যেদকদিন সং কেচ্‌বিজি আর গম কাবা শেজ্‌ ন-অলঅ সেদকদিন সং রূতে বোয়সর কামগুরিয়্যে মিলেগুনোর্ লগে লগে থেইনে শীজে কুড়োনার কাম গুরিলো। তে তা শুড়ীবো সমারে বজত্তি গুরিদো।